HR áskorun ársins felst í því að búa til vél sem flytur geisladisk frá upphafsstað til lokastaðar með viðkomu á tveimur öðrum stöðum.
Líkt og í fyrra á vélin á að vera í anda teiknimyndahöfundarins Rube Goldberg. Dæmi um slíka vél má sjá í myndbandi frá hljómsveitinni OK Go og á þessum hlekkjum:
Hlekkur 1: http://www.youtube.com/watch?v=SHLs4-6pLZ4&feature=related.
Hlekkur 2: http://www.youtube.com/watch?v=7OjloH_mxtQ&feature=related.
Eftirfarandi kröfur eru gerðar til vélarinnar:
- Vélin skal passa innan ramma sem er 2m á breidd, 2m á dýpt og 2m á hæð.
- Vélin fer í gegnum a.m.k 20 afmarkaðar aðgerðir við lausn þrautarinnar.
- Engin aðgerð má taka lengri tíma en 10 sekúndur.
- Viðkoma á hverri áfangastöð skal vera a.m.k. 2 sekúndur.
- Vélin leysir þrautina á 1 mínútu (hvorki meira né minna).
- Vélin flytur diskinn milli upphafsstöðvar og lokastöðvar með viðkomu á tveimur öðrum stöðvum.
- 10 sentimetrar skulu vera á milli áfangastöðva.
- Engar tölvustýringar mega vera í vélinni.
Sigur ræðst af fjölda inngripa, fjölda viðkomustöðva, fráviki þess tíma sem
tekur að leysa þrautina frá 1 mínútu (best er að vera sem næst 60 sek.) og
fjölda aðgerða eða skrefa í gangverki vélarinnar.
Forgangsröðun við mat á sigurvegurum er eftirfarandi:
- Lágmarkskröfur eru að vélin passi innan rammans og fari í gegnum a.m.k. 20 aðgerðir.
- Þraut sé lokið.
- Fjöldi inngripa eiga að vera sem fæst.
- Viðkoma geisladisks þarf að vera á tveimur fyrirfram ákveðnum stöðvum í a.m.k. 2 sekúndur fyrir utan upphafs- og endapunkt.
- Fjöldi skrefa sem taka lengur en 10 sekúndur eru til frádráttar.
- Tími sem tekur að leysa þrautina, þ.e. frávik frá 60 sekúndum eru til frádráttar.
Ef tvær eða fleiri vélar standast reglu 1 þá er regla 2 notuð til að skera úr á milli þeirra. Ef tvær eða fleiri vélar eru jafnar samkvæmt reglu 2 þá er regla 3 notuð til að skera úr á milli, og svo framvegis.
Dæmi 1: Vél A leysir þrautina án inngrips á 67 sekúndum, vél B
leysir þrautina án inngrips á 84 sekúndum og vél C leysir þrautina með einu
inngripi á 61 sekúndu. Í þessu tilfelli kæmi vél A í fyrsta sæti, vél B í
annað sæti og vél C í þriðja sæti. Þetta er vegna þess að regla 3 vegur þyngra
en regla 6 til frádráttar.
Dæmi 2: Vél A leysir þrautina með einu inngripi á 70 sekúndum, vél B
leysir þrautina á 62 sekúndum með einu inngripi en er með eitt skref sem tekur
lengri tíma en 10 sekúndur. Í þessu tilfelli sigrar vél A. Þetta er vegna
þess að regla 5 vegur þyngra en regla 6 til frádráttar.
