Upplýsingalæsi

Vinnubrögð í háskólanámi gera þá kröfu til nemenda að þeir geti fundið, metið, skipulagt og notað upplýsingar og heimildir á skilvirkan og ábyrgan hátt - séu upplýsingalæsir*.

Í viðmiðum mennta- og menningarmálaráðuneytis um æðri menntun og prófgráður frá 16. maí 2011 kemur fram að  nemendur sem ljúka bakkalárprófi frá háskóla viðurkenndum af ráðuneytinu samkvæmt lögum um háskóla nr. 63/2006 skuli m.a. búa yfir eftirfarandi þekkingu og hæfni:

• þekki undirstöðuatriði leitar- og upplýsingatækni
• greini hvenær þörf er á upplýsingum og hafi færni til að finna þær, meta áreiðanleika þeirra og nýta á viðeigandi hátt
• geti nýtt sér viðurkennd gagnasöfn og upplýsingalindir á viðkomandi fræðasviði 

Þekkingarsköpun er eitt af meginhlutverkum HR og BUHR býður rafræn gagnasöfn á öllum fræðasviðum skólans henni til stuðnings og eflingar.

Áhersla er lögð á að kynna bókasafnið fyrir nemendum og þá þjónustu sem þeim stendur til boða meðan á námi stendur. Meginhluti safnsins er á rafrænu formi og til að það nýtist nemendum sem best þurfa þeir að þekkja leiðir til að nálgast efnið og kunna skil á innihaldi þess. Rafrænn safnkostur útheimtir hæfni í að beita tækni og hugbúnaði við nám og þekkingarsköpun.

Áhugaverðir vefir um upplýsingalæsi

* Upplýsingalæsi (e. Information literacy). skv. amerísku bókavarðasamtökunum (American Library Association)