Bækur og einstök rit

Eftirfarandi upplýsingar verða að koma fram í heimildaskrá, í þessari röð (athugið líka að greinarmerki og tákn eiga að vera með sama hætti og sýnt er hér að neðan).

Höfundur. (Útgáfuár). Titill (útgáfa ef önnur en fyrsta). Útgáfustaður: Útgáfufyrirtæki.

3-5 höfundar. Teljið þá alla upp í fyrsta sinn sem vitnað er til heimildarinnar - og eins ef aðeins er vitnað til hennar einu sinni. Síðan er nóg að geta fyrsta höfundar og nota styttinguna o.fl. Ef höfundar eru fleiri en 5 skal alltaf nota þessa aðferð þegar vitnað er til heimildarinnar.
Fleiri verk eftir sama höfund útgefin sama ár skulu aðgreind með bókstöfum.

Nokkur dæmi
Friðrik H. Jónsson og Sigurður J. Grétarsson. (2007). Gagnfræðakver handa háskólanemum (4. útg.). Reykjavík: Háskólaútgáfan.

Bók þar sem ekki er getið um höfund:
Áhrifaríkar kynningar. (1994). Reykjavík: Framtíðarsýn.

Ritstýrð bók:
Hamer, P.M. (Ritstj.). (1961). A guide to archives and manuscripts in the United States. New Haven: Yale University Press.

Grein eða kafli í ritstýrðri bók:
Friðrik H. Jónsson. (1993). Hvað eru viðhorf? Í Hörður Þorgilsson og Jakob Smári (Ritstj.), Sálfræðihandbókin (bls. 321-329). Reykjavík: Mál og menning.

Þýdd bók:
Mises, L. von. (1991). Hugleiðingar um hagmál (Jónmundur Guðmarsson þýddi). Reykjavík: Stofnun Jóns Þorlákssonar. (Upphaflega gefið út 1979).