Tímarit og dagblöð

Eftirfarandi upplýsingar verða að koma fram í heimildaskrá, í þessari röð (athugið líka að greinarmerki og tákn eiga að vera með sama hætti og sýnt er hér að neðan).

Höfundur. (Útgáfuár og dagur ef það á við). Heiti greinar: undirtitill. Heiti tímarits eða dagblaðs: undirtitill, bindisnúmer (eintaksnúmer), blaðsíðutal. Þegar vitnað er í dagblaðagrein er nóg að tilgreina dagsetningu útgáfu og blaðsíðutal.

Athugið: Ef um dagblað er að ræða má tilgreina eðli greinarinnar í hornklofa á eftir heiti hennar s.s. [frétt], [viðtal] o.s.frv. Að skammstöfuninni bls. er skotið inn á undan blaðsíðutali þegar verið er að skrá efni úr dagblöðum og tímaritum almenns eðlis.

Nokkur dæmi
Anna Valdimarsdóttir. (1990). Hamingjan frá sjónarhóli sálarfræðinnar. Sálfræðiritið: Tímarit Sálfræðingafélags Íslands, 1, 61-73.

Jones, D. A. (1999). Lack of communication: Analysis II. Library Journal, 124 (16), 68.

Tímarit og dagblað þar sem ekki er getið um höfund
Voru hundar Pavlovs svangir? (2001, september). Hundalíf, bls. 26.

Tímarit þar sem hvorki bindis- né eintaksnúmer er að finna
Hjördís Smith. (1992, júlí). Matur. Heimsmynd, bls. 44-46.

Athugið: Útgáfumánuður og dagur koma aðeins í svigann með útgáfuári ef ekki er getið um bindis- og eintaksnúmer í heimild.