Skil á lokaverkefnum HR í Skemmuna
Rafrænu eintaki skilað í Skemmuna – http://skemman.is/
Áður en nemendur skila prentuðum eintökum lokaverkefna sinna til deilda skulu þeir hafa vistað rafrænt eintak af þeim í Skemmun, skv. reglum um skil á lokaritgerðum og lokaverkefnum við Háskólann í Reykjavík.
Til að skrá sig í Skemmuna er notað HR-notandanafn og lykilorð. Í Skemmunni skulu lokaverkefni vera á PDF-sniði nema að það eigi ekki við. PDF-skjöl á að vista þannig að þau séu varin og hvorki hægt að afrita þau né prenta. Það er á ábyrgð nemenda að ganga frá skjölum sínum á þann hátt. Til þess að verja PDF-skjölum þarf að nota Acrobat Writer | Adobe Acrobat X Pro sem er á þremur tölvum í bókasafni, á hringborði næst afgreiðslu (tölvur númer 8576, 8577 og 8579).
Þeir sem gera verkefni þar sem notuð eru forrit sem ekki bjóða upp á að búin séu til PDF-skjöl vista skýrslu/greinargerð á PDF-sniði, en fylgiskjöl á því sniði sem þau eru búin til með og Skemman leyfir.
Lesið skjalið/skjölin vandlega yfir í heild áður en hafist er handa. Leitist við að gefa PDF-skjölum lýsandi heiti, t.d. tekið úr nafni höfundar, tegund lokaverkefnis, titli verkefnis og/eða ári. Forðist orð eins og „loka“, „final“ eða „til útprentunar“ í heiti skjala. Þegar skjali hefur verið skilað inn í Skemmuna er ekki hægt að breyta því né skipta því út.
Ef takmarka á aðgang að verkefni
Meginreglan er að lokaverkefni í Skemmunni eru opin til aflestrar. Hægt er að loka á aðgang að lokaverkefnum tímabundið t.d. vegna viðkvæmra upplýsinga eða trúnaðarupplýsinga. Eftir að búið er að senda verkefni inn til staðfestingar er ekki hægt að breyta aðgangi.
Það er á ábyrgð nemenda að öll eintök, rafræn og prentuð, séu að fullu sambærileg.
Hjálp
Hér er að finna leiðbeiningar um hvernig setja á lokaverkefni inn í Skemmuna. Sérstakar leiðbeiningar eru fyrir nemendur TD - tölvunarfræðideild. Ef vandamál koma upp við vistun í Skemmu má hafa samband við Þóru Gylfadóttur 599 6410 / thorag@ru.is EÐA Önnu Kristínu Stefánsdóttur 599 6491 / annast@ru.is í bókasafni HR.
Prentuðum eintökum lokaverkefna (ritgerðum / skýrslum / greinargerðum og fylgigögnum) skal skila til deilda í samræmi við reglur þeirra. Prentuðu eintökunum þarf að fylgja staðfesting (útprent af tölvuskeyti - sjá sýnishorn hér að neðan) úr Skemmunni um að rafrænu eintaki hafi verið skilað þar inn.
Bókasafn og upplýsingaþjónusta Háskólans í Reykjavík varðveitir eitt prentað eintak af öllum lokaverkefnum ásamt fylgigögnum og veitir aðgang að þeim í samræmi við reglur safnsins.
Rafrænt eintak samþykkt í Skemmuna
Rafrænt eintak lokaverkefnis er samþykkt í Skemmuna og gert sýnilegt þar þegar bókasafni hefur borist prentað eintak þess.