Þjónusta er kjarninn í starfsemi BUHR
Aðgengi nemenda að safnkosti er þrenns konar:
- Prentaður safnkostur; bækur, tímarit og annað efni sem geymt er í safninu sjálfu (Úranus, 1. hæð)
- Rafrænn safnkostur (keyptar áskriftir BUHR á vefnum) sem nemendum er bent á að nálgast á vef BUHR. Góð leið til að hafa vef BUHR alltaf innan seilingar er að hlaða tækjastiku BUHR niður í vafrann sinn.
- Námsbókasafn (í afgreiðslu) sem geymir bækur sem kenndar eru í námskeiðum annarinnar.
Boðið er upp á opna tíma í upplýsingaborði safnsins þar sem nemendur geta fengið aðstoð við heimildaleitir og heimildaskráningu. Þeim sem hentar betur að koma á öðrum tíma til að fá slíka aðstoð býðst að bóka viðtalstíma hjá upplýsingafræðingi. Einnig er Spjallhjálp BUHR í boði fyrir alla nemendur HR í gegnum "Spurðu upplýsingafræðing".
Bókasafn og upplýsingaþjónusta HR er aðili að Skemmunni, rafrænu varðveislusafni íslenskra háskóla en þangað eiga allir háskólanemar að skila eintaki af lokaverkefnum sínum. BUHR hefur útbúið leiðbeiningar um skil á lokaverkefnum í Skemmuna.
Bókasafnið er hér fyrir ykkur - gangið vel um það og virðið safnkostinn/heimildirnar sem þið deilið með samnemendum ykkar.
