Námsbókasafn í afgreiðslu BUHR

Í Námsbókasafni er eintak af kennslubókum í grunnnámi á yfirstandandi misseri auk valinna bóka í framhaldsnámi. Kennslubækur eru aðeins lánaðar til afnota á safni.

Kennarar geta beðið starfsfólk BUHR að taka frá efni úr safnkosti, útvega efni annars staðar frá - og/eða lagt inn efni sem þeir eiga sjálfir vegna kennslu einstakra námskeiða. Með því móti má tryggja öllum nemendum í námskeiði aðgang að efninu. Miðað er við að ítarefnisrit í eigu BUHR séu lánuð út í 3 sólarhringa eða viku. Bækur í einkaeign eru ekki lánaðar út af safninu. Greinar og önnur ljósrit eru eingöngu til afnota á safni. Mikilvægt er að bókasafninu berist upplýsingar um efni sem á að vera í Námsbókasafni með góðum fyrirvara og að beiðnin innihaldi sem flest eftirtalinna atriða:

• Nafn kennara og námskeiðs
• Upplýsingar v. greina: Heiti tímarits, nafn höfundar og titill greinar. Útgáfuár, árgangur og tölublaðsnúmer, blaðsíðutal
• Upplýsingar v. bóka: Titill, höfundur, útgáfunúmer, útgáfuár, útgefandi og ISBN

Vinsamlegast athugið að það getur tekið 6 - 8 vikur að panta bækur erlendis frá og búa þær til útlana. 

Umsjón

Anna Kristín Stefánsdóttir, upplýsingafræðingur 1. hæð í Úranusi (Ú103) annast@ru.is sími: 599 6491