Forritunarkeppni framhaldsskólanna

Skráning er hafin

Keppnin er fyrir alla nemendur í framhaldsskólum sem hafa áhuga á forritun og tölvum og fer fram laugardaginn 18. mars í Háskólanum í Reykjavík og Háskólanum á Akureyri.

Föstudaginn 17. mars munu keppendur hittast í HR eða HA þar sem fyrirkomulag keppninnar er skýrt og þeir fá úthlutað vinnuaðstöðu. Þar gefst einnig gott tækifæri til að kynnast öðrum keppendum.

Keppnin er æsispennandi og öllum úrslitum verður varpað beint inn í kennslustofur. 

Dæmi úr síðustu keppni 

Hægt er að spreyta sig á dæmum úr síðustu keppni á Kattis. Það þarf að búa til aðgang og skrá sig inn til þess að geta leyst dæmin (Log in > Sign up for a Kattis account). Um að gera að prófa og hita sig upp fyrir aðalkeppnina.

Skráning í aðalkeppnina

  • Skráðu lið frá þínum skóla fyrir 6. mars 2017

Lið þarf að tilkynna þátttöku í síðasta lagi 6. mars. Þátttökutilkynning þarf að vera samþykkt af tengilið viðkomandi skóla og þátttakendum í liðinu. 

Veitt verða verðlaun:

  • Besta lið hvorrar deildar úr heildarniðurstöðu 1. - 3. sæti
  • Besta nafngift á liði

Fyrirkomulag

Lið velja sér eina deild:

  • Beta deild  (erfiðleikastig 2)

Fyrir nemendur sem eru lengra komnir eða hafa góð tök á forritun og treysta sér til að leysa krefjandi verkefni. 

  • Delta deild (erfiðleikastig 1)

Fyrir nemendur sem eru byrjendur í forritun en hafa áhuga á að öðlast reynslu. Hentar þeim sem eru að taka sinn fyrsta áfanga í forritun.

Dagskrá

Föstudagur 17.mars

16:00-17:30 - Tekið á móti keppendum í stofu M101 í HR og N102 í HA. Ávarp deildarforseta. Lið fá afhenta boli og keppnisgögn. Þá fara keppendur í að prófa kerfin og stilla upp fyrir keppni laugardagsins. 

Laugardagur 18. mars 

09:00-10:00 - Morgunmatur  
10:00-12:30 - Liðin vinna að verkefnum keppninnar 
12:30-13:30 - Hádegismatur 
13:30- 16:00 - Liðin vinna að verkefnum keppninnar 
16:15 -17:15 - Úrslit og verðlaunaafhending

Fyrirspurnir má senda á netfangið  scs_office@ru.is


Svipmyndir og viðtöl frá keppninni 2016