Lögfræði

Í grunnnámi við lagadeild er veittur traustur, fræðilegur grunnur og með verkefnatengdu námi er leitast við að vinna með námsefnið og beita lögfræðilegri aðferðafræði. Lagadeild HR leggur áherslu á gæði kennslu, fjölbreyttar kennsluaðferðir og námsmat og vandaða endurgjöf til nemenda.

Tvær brautir eru í grunnnámi:

Jafnframt er hægt að útskrifast með BA í lögfræði og BSc í viðskiptafræði á fjórum árum.  

Tekið er við umsóknum fyrir haustönn 5. febrúar - 5. júní og fyrir vorönn 15. október - 5. desember ár hvert.

Ung kona stendur með krosslagðar hendur fyrir framan auð sæti í kennslustofu

BA í lögfræði

Þriggja ára nám til BA-prófs. Fjöldi eininga: 180. 165 einingar í kjarna og 15 einingar í vali. Nemendum gefst kostur á að velja tvær kjörgreinar úr meistaranámi við lagadeild eða skrifa BA-ritgerð sem er 15 einingar.

Nám í lögfræði er verkefnatengt laganám og áhersla er lögð á að nemendur vinni að úrlausn raunhæfra verkefna. Þannig fá nemendur þjálfun í að beita lögfræðilegri aðferðafræði sem gerir þá hæfari til að takast á við þau verkefni sem bíða þeirra eftir nám.

BA í lögfræði með viðskiptafræði sem aukagrein

Þriggja ára nám til BA-prófs. Fjöldi eininga: 180. 120 einingar úr lögfræði og 60 einingar úr viðskiptafræði. Nemendum gefst kostur á að bæta við sig einu aukaári í viðskiptafræði eftir útskrift og ljúka þannig tveimur námsgráðum á fjórum árum:

BA í lögfræði með viðskiptafræði sem aukagrein og BSc í viðskiptafræði með lögfræði sem aukagrein - 4 ár

Nemandi sem hefur lokið BA-gráðu í lögfræði með viðskiptafræði sem aukagrein getur sótt um að bæta við sig einu ári í viðskiptafræði og útskrifast að því loknu einnig með BSc-gráðu í viðskiptafræði með lögfræði sem aukagrein.

Lögfræði við HR

Var efnið hjálplegt? Nei

Fara á umsóknarvef