Sálfræði BSc

Nám í sálfræði er fyrir þá sem vilja skilja hugsun, hegðun og tilfinningar fólks. Það hentar þeim sem hafa áhuga á því hvernig má hafa áhrif á hegðun einstaklinga og hópa, langar að bæta velferð og heilsu fólks og vilja stunda sálfræðilegar tilraunir og rannsóknir.  BSc-nám í sálfræði við HR er sérstaklega hannað til að koma til móts við ströngustu alþjóðlegar kröfur. 

Um námið

Sálfræði BSc

Grunnsvið sálfræðinnar ásamt vali

Í náminu er lögð áhersla á að kenna öll grunnsvið sálfræðinnar, þar á meðal lífeðlislega sálfræði, hugræna sálfræði, þroskasálfræði, félagssálfræði og rannsóknaraðferðir. Til viðbótar taka nemendur valnámskeið, til dæmis á sviði heilsusálfræði, vinnusálfræði og gervigreindar. Nám til BSc-prófs í sálfræði er 180 ECTS einingar og er þriggja ára nám. 

Fjölbreyttar kennsluaðferðir

Námið samanstendur af fyrirlestrum, verkefnavinnu, rannsóknarstofuvinnu og vettvangsnámi. Rík áhersla er á faglega kennslu í smærri hópum og einstaklingsmiðaða leiðsögn. Kennslan fer að nokkru leyti fram á ensku. 

Vettvangsnám

Nemendur eiga kost á að stunda vettvangsnám sem fer fram á fjölbreyttum sviðum innan fyrirtækja og stofnana, til dæmis á heilbrigðisstofnunum og meðferðarheimilum, hjá ráðgjafarfyrirtækjum, auglýsingastofum, rannsóknarfyrirtækjum, grunnskólum og leikskólum.

Nám að erlendri fyrirmynd

BSc-námið í sálfræði við HR er skipulagt úr frá viðmiðum Breska sálfræðingafélagsins (BPS Accreditation Standards) um uppbyggingu grunnnáms í sálfræði á háskólastigi.

Hluti af námi erlendis

Nemendum gefst kostur á að taka hluta af námi sínu erlendis í gegnum skiptinemaáætlun HR.

Sálfræði í HR á Facebook

Hafðu samband

Áslaug Pálsdóttir

Áslaug Pálsdóttir

Verkefnastjóri

Kamilla Rún Jóhannsdóttir

Kamilla Rún Jóhannsdóttir

Forstöðumaður BSc-náms

Að námi loknu 

BSc-gráðan veitir góða grunnþekkingu og innsýn í vísindi og starfsemi sálfræðinga. Markmiðið er að námið veiti nemendum besta mögulega grunn til framhaldsnáms eða starfa á Íslandi sem erlendis. 

Starfsréttindi eftir meistaranám

Starfsheitið sálfræðingur er lögverndað starfsheiti. Lágmarksmenntunarkröfur eru gerðar til þeirra sem starfa til að mynda sem klínískir sálfræðingar, ráðgjafarsálfræðingar, menntasálfræðingar eða vinnusálfræðingar. Í þessum tilvikum þarf að minnsta kosti tveggja ára sérnám á meistarastigi (MSc) til viðbótar við grunnnám (BSc). Hægt er að ljúka MSc-námi í klínískri sálfræði við Háskólann í Reykjavík.

Meistaranám í öðrum greinum

BSc-gráða í sálfræði veitir ýmsa möguleika á framhaldsnámi á Íslandi og erlendis þó að nemandi kjósi að fara ekki í klínískt meistaranám í sálfræði. Þar á meðal meistaranám í mannauðsstjórnun og vinnusálfræði og meistaranám í markaðsfræði sem kennt er við viðskiptadeild HR. 

Grunngráða án meistaranáms

Ef nemandi velur að fara ekki í meistaranám er BSc-gráðan vel metin í margvíslegum störfum, þar á meðal í kennslu, hagnýtum rannsóknum, heilsueflingu, forvörnum, blaðamennsku, markaðssetningu, iðnaði og viðskiptum, upplýsingatækni og opinberum störfum. 

Aðstaða 

Þjónusta og góður aðbúnaður

Öll kennsla fer fram í háskólabyggingu HR. Þar eru jafnframt hópavinnuherbergi, mötuneyti, náms- og starfsráðgjöf og önnur þjónusta við nemendur.

Nemandi í sálfræði stendur inni á rannsóknarstofu í HR

Rannsóknaraðstaða

Nemendur í sálfræði hafa meðal annars aðgang að fullbúinni rannsóknarstofu sem býður upp á ýmsa möguleika þegar kemur að framkvæmd sálfræðilegra tilrauna og rannsókna. Einnig eiga nemendur kost á að nota rannsóknarbíl sálfræðinnar.

Rannsóknarbíllinn

Bíllinn er hreyfanleg rannsóknarstofa sem sálfræðisvið HR lét útbúa og er einn sinnar tegundar hér á landi. Rannsóknarbíllinn er sérútbúinn með tölvum og ýmiss konar rannsóknarútbúnaði eins og til dæmis „Finometer Pro“ sem mælir meðal annars blóðþrýsting, blóðflæði og hjartslátt.

Kennslustofur og lesherbergi

Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR. 

Góð þjónusta

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu. 

Verslanir og kaffihús

Í HR er Háskólabúðin sem selur nauðsynjavörur, Te og kaffi, æfingasalur World Class og Málið veitingasala.

Kennarar

Nemendur í sálfræði njóta leiðsagnar öflugra vísindamanna og sérfræðinga á fagsviðinu, stundakennara og gestafyrirlesara með sérfræðiþekkingu úr atvinnulífinu. Lögð er áhersla á góð samskipti nemenda og kennara, faglega kennslu í smærri hópum og einstaklingsmiðaða leiðsögn. 

Stundakennarar

Meðal þeirra sem koma að kennslu í sálfræði er fjöldi stundakennara sem færa atvinnulífið beint inn í skólastofunar og miðla fræðslu um verklag og verkefni sem þau eru að fást við hverju sinni. Lista yfir stundakennara í sálfræði má sjá neðar á þessari síðu. 

Fastir kennarar við sálfræðisvið HR

Ásgeir R. Helgason

Ásgeir R. Helgason

Dósent

PhD í klínískri heilsusálfræði, Karolinska Institutet, 1997. 
Dósent við sálfræðisvið HR og dósent við sálfræðisvið Karolinska Institutet. 

Sérsvið: Klínísk lýðheilsufræði, hvataviðtöl, hugræn atferlismeðferð.
Berglind Gísladóttir

Berglind Gísladóttir

Sérfræðingur

PhD í stærðfræðimenntun frá Columbia University, New York. 
MEd í stærðfræði og kennslufræði frá Háskólanum í Reykjavík. 
BEd í náttúrufræðikennslu frá Háskóla Íslands. 
BA í þroskaþjálfun frá Háskóla Íslands. 

Sérsvið: stærðfræðimenntun, námsárangur, félagsauður.
Berglind Sveinbjörnsdóttir

Berglind Sveinbjörnsdóttir

Aðjúnkt

MSc í Hagnýtri atferlisgreiningu frá Northeastern University, Boston. 
Sérfræðiviðurkenning í atferlisgreiningu, BCBA. 

Sérsvið: Atferlisgreining, einhverfa, hegðunarvandi, kennsla barna með sérþarfir.

Birna Baldursdóttir

Birna Baldursdóttir

Aðjúnkt

PhD í heilbrigðisvísindum frá Gautaborgarháskóla. MPH í lýðheilsu frá Háskólanum í Reykjavík. Kennsluréttindi í náttúruvísindum á framhaldsskólastigi frá Kennaraháskóla Íslands og  MSc í líffræði frá Landbúnaðarháskólanum í Kaupmannahöfn.

Sérsvið: Lýðheilsa, heilsuefling, hreyfing og líðan, íhlutanarannsóknir.
Bryndís Björk Ásgeirsdóttir

Bryndís Björk Ásgeirsdóttir

Dósent og sviðsstjóri í sálfræði.

PhD í sálfræði frá Institute of Psychiatry, King's College London. 
MA í félagsfræði og BA í sálfræði frá Háskóla Íslands. 

Sérsvið: Þroskasálfræði og ungmennarannsóknir.
Brynja Björk

Brynja Björk Magnúsdóttir

Lektor

Phd í taugasálfræði frá King's College í London. 
Cand.psych frá Háskóla Íslands. 
Sálfræðingur á geðdeild Landspítalans. 

Sérsvið: Taugasálfræði.
Gísli Guðjónsson

Gísli H. Guðjónsson

Rannsóknarprófessor

PhD og MSc í klínískri sálfræði frá University of Surrey, Englandi. 
BSc í félagsvísindum frá Brunel University, Englandi. 
Emeritus prófessor í réttarsálfræði við Institute of Psychiatry, King´s College, University of London. 

Sérsvið: Klínísk sálfræði og réttarsálfræði.
Haukur Freyr

Haukur Freyr Gylfason

Aðjúnkt

MSc í heilsuhagfræði frá University of York og MA í sálfræði frá Háskóla Íslands.  
BA í sálfræði og BS í hagfræði frá Háskóla Íslands. 

Sérsvið: Aðferðafræði og mælingar á lífsgæðum.
Heiðdís Valdimarsdóttir

Heiðdís Valdimarsdóttir

Prófessor

PhD í sálfræði, State University of New York at Stony Brook. 

Sérsvið: Heilsusálfræði, sálarónæmisfræði og forvarnir.
Inga Dóra Sigfúsdóttir

Inga Dóra Sigfúsdóttir

Prófessor

PhD í félagsfræði, Pennsylvania State University. 
Rannsóknarprófessor við Department of Health and Behavior Studies, TC, Columbia University. 
Framkvæmdastjóri Rannsóknar og greiningar. 

Sérsvið: Ungmennarannsóknir, rannsóknir á menntun og vísindastarfi.
Jack James

Jack James

Prófessor

PhD í sálfræði frá University of Western Australia. 

Sérsvið: Experimental behavioural medicine (cardiovascular reactivity to psychosocial stress), health psychology, and behavioural epidemiology.
Jon-Fridrik_svarthvit

Jón Friðrik Sigurðsson

Prófessor og forstöðumaður MSc-náms í klínískri sálfræði.

PhD í sálfræði frá Institute of Psychiatry, King´s College, University of London. 
MSc í heilsusálfræði frá University of Stirling, Skotlandi. 
Prófessor við sálfræðisviði HR og læknadeild HÍ. 

Sérsvið: Réttarsálfræði.
Kamilla Rún Jóhannsdóttir

Kamilla Rún Jóhannsdóttir

Lektor og forstöðumaður BSc-náms í sálfræði.

PhD í þverfaglegum hugvísindum, Carleton University, Ottawa, Kanada. 

Sérsvið: Rannsóknir á vinnsluminni og athygli í flóknu, hreyfanlegu umhverfi.
María K. Jónsdóttir

María K. Jónsdóttir

Dósent

PhD í klínískri taugasálfræði frá Háskólanum í Houston. 
Sérfræðiviðurkenning í klínískri taugasálfræði. 
Klínískur taugasálfræðingur á minnismóttöku Landspítalans á Landakoti. 

Sérsvið: Taugasálfræði.
Paul Salkovskis

Paul Salkovskis

Heiðursprófessor

PhD í sálfræði frá University of Reading 
Forstöðumaður doktorsnáms í klínískri sálfræði við Bath University.
Simon Dymond

Simon Dymond

Dósent

PhD í hagnýtri sálfræði (atferlisgreiningu) frá University College Cork, Írlandi. 
Dósent við sálfræðisvið HR og Swansea University. 

Sérsvið: Atferlisgreining og nám.
Susan Young

Susan Young

Heiðursprófessor

PhD í sálfræði frá Kings College London. 
Dósent í klínískri réttarsálfræði við Imperial College London Gestaprófessor við Buckinghamshire New University.
Þorlákur Karlsson

Þorlákur Karlsson

Dósent

PhD í sálfræði með aukagrein í tölfræði og aðferðafræði, West Virginia University. 

Sérsvið: Atferlisgreining, aðferðafræði rannsókna og tölfræði.

Stundakennarar

Auk ofangreindra kennara kemur að kennslu fjöldi stundakennara. 

Ailsa Russell 
MSc í klínískri sálfræði frá  Institute of Psychiatry, University of London. 
PhD í sálfræði frá University of London. 
Dósent við University of Bath. 
Sérsvið: Einhverfa og taugaþroskaraskanir.  

Anna Ingeborg Pétursdóttir, PhD 
PhD í sálfræði frá Western Michigan University. 
Dósent við sálfræðideild Texas Christian University. 
Sérsvið: Atferlisgreining.

Anna Kristín Newton 
MSc í réttarsálfræði frá University of Kent at Canterbury, Englandi. 
Viðbótarnám í klínískri sálfræði frá Háskóla Íslands. 
BA í sálfræði frá Háskóla Íslands. 
Sérsvið: Réttarsálfræði. 

Ársæll Arnarsson 
PhD í líf- og læknavísindum og B.A. í sálfræði frá Háskóla Íslands. 
Prófessor í sálfræði við Háskólann á Akureyri. 
Sérsvið: Taugavísindi, unglingarannsóknir.

Baldur Heiðar Sigurðsson 
Cand.psych. og BA í sálfræði frá Háskóla Íslands. 
Sálfræðingur á geðsviði Landspítala. 
Sérsvið: Hugræn atferlismeðferð, geðrofssjúkdómar. 

Berglind Brynjólfsdóttir 
Cand.psych. í klínískri barnasálfræði frá Aarhus University. 
BA í sálfræði frá Háskóla Íslands. 
Sérsvið: Klínísk Barnasálfræði og hugræn atferlismeðferð.

Brynjar Halldórsson 
Cand. Psych frá Háskóla Íslands 
PhD frá University of Bath, UK. 
Sérfræðiviðurkenning í hugrænni atferlismeðferð, BABCP. 
Nýdoktor og klínískur sálfræðingur við Anxiety and Depression in Young People Research Unit (AnDY), University of Reading, UK. 
Sérsvið: Hugræn atferlismeðferð, hugrænir þættir og atferlisþættir í kvíðaröskunum, meðferð barna og fullorðinna.  

Cathy Randle-Phillips 
PhD í klínískri sálfræði frá University of Plymouth. 
Lektor við University of Bath. 
Sérsvið: Klínísk sálfræði og fullorðnir með þroskaröskun.  

Dagmar Kristín Hannesdóttir 
PhD og MA í sálfræði frá Virgina Tech, Bandaríkjunum. 
Sálfræðingur hjá Þroska- og hegðunarstöð Heilsugæslu höfuðborgarsvæðisins. 
Sérsvið: Klínísk barnasálfræði.

Dóra Guðrún Guðmundsdóttir 
Cand.psych./MSc. í klínískri sálfræði og vinnusálfræði frá Árósarháskóla. 
BA í sálfræði frá Háskóla Íslands. 
Sviðstjóri áhrifaþátta heilbrigðis hjá Embætti landlæknis. 
Sérsvið: Jákvæð sálfræði, vellíðan, hamingja og heilsuefling.

Einar Þór Ingvarsson 
PhD í atferlissálfræði frá University of Kansas. 
MS í atferlisgreiningu frá University of North Texas. 
Sérfræðiviðurkenning í atferlisgreiningu, BCBA-D. 
Rannsóknarprófessor í atferlisgreiningu við University of North Texas. 
Stýrir einhverfusviði við Child Study Center í Fort Worth, Texas. 
Sérsvið: Hagnýt atferlisgreining.

Einar Trausti Einarsson 
Cand.psych. frá Háskóla Íslands. 
BSc í sálfræði frá Háskólanum í Reykjavík. 
Yfirsálfræðingur hjá Reykjanesbæ. 

Freyr Halldórsson 
PhD í mannauðsstjórnun og vinnumarkaðsfræði frá University of Minnesota. 
MA í vinnusálfræði frá New York University.  
Mannauðsstjóri hjá Sjúkratryggingum Íslands. 
Sérsvið: Vinnusálfræði og mannauðsstjórnun.

Guðmundur Skarphéðinsson 
PhD við læknadeild Háskólans í Osló, Noregi. 
MSc í stjórnun og stefnumótun, viðskiptafræðideild, Háskóla Íslands. 
Cand.psych. frá Háskóla Íslands. 
Sálfræðingur og rannsakandi hjá Center for Child and Adolescent Mental Health Eastern and Southern Norway. 
Sérsvið: Klínísk barnasálfræði. 

Kristján Guðmundsson 
PhD í heimspeki frá University of Western Ontario, Canada. 
MA í heimspeki frá University of Western Ontario, Canada og MA í sálfræði frá Háskóla Íslands. 
Sérsvið: Klínísk sálfræði, heimspeki, atferlisfræði.

Linda Bára Lýðsdóttir
MSc í klínískri sálfræði frá Háskólanum í Amsterdam. 
BA í sálfræði frá Háskóla Íslands. 
Sálfræðingur við kvennadeild Landspítala. 
Sérsvið: Geðheilsa íslenskra kvenna á meðgöngu og eftir barnsburð.

Magnús Blöndahl Sighvatsson 
MA og BA í sálfræði frá Háskóla Íslands. 
Sálfræðingur á geðsviði Landspítala. 
Sérsvið: Klínísk sálfræði, sálfræðilegt mat geðraskana og hugræn atferlismeðferð.

Pétur Tyrfingsson 
Cand.psych og BA frá Háskóla Íslands. 
Sálfræðingur á geðsviði Landspítala. 
Sérsvið: Klínísk sálfræði og hugræn atferlismeðferð.

Sigurður Viðar 

Cand.psych. frá Háskóla Íslands. 
BA í sálfræði frá Háskólanum á Akureyri.

Sálfræðingur á Kvíðameðferðarstöðinni (KMS). 

Sérsvið: Klínísk sálfræði og hugræn atferlismeðferð.

Sigurrós Jóhannsdóttir 
Cand.psych. frá Háskóla Íslands. 
BA í sálfræði frá Háskóla Íslands. 
Sálfræðingur á Greiningar- og ráðgjafarstöð ríkisins, á fagsviði einhverfu. 
Sérsvið: Þroski barna og unglinga og einhverfa.

Skipulag náms 

Nám til BSc-prófs í sálfræði er 180 ECTS einingar. Þar af eru skyldunámskeið 132 ECTS, BSc-rannsóknarverkefni 18 ECTS og valnámskeið 30 ECTS.

Skipulag anna

Annirnar skiptast í tvær lotur. Fyrri lotan er 12 vikur og taka nemendur þá fjögur námskeið. Eftir fyrri lotu eru lokapróf og að þeim loknum hefst þriggja vikna lota og þá taka nemendur eitt námskeið. Aðeins er leyfilegt að skrá sig í eitt námskeið á hverri þriggja vikna lotu. 

1. ár - haust 

1. ár - vorönn  

2. ár - haust 

 2. ár - vor

3. ár - haust 

3. ár - vor 

*Námskeið kennd annað hvert skólaár. Nemendur á 2. og 3. ári taka námskeiðin saman. 

Rannsóknarverkefni

BSc-rannsóknarverkefni er samtals 18 ECTS og skiptist á tvær annir, 6 ECTS á haustönn og 12 ECTS á vorönn þriðja námsárs. 

Valnámskeið 

Einnig geta nemendur valið námskeið í öðrum deildum eða námsbrautum.

Upplýsingar fyrir nemendur

Inntökuskilyrði 

Umsóknarfrestur

Tekið er við umsóknum 5. febrúar - 5. júní ár hvert.

Nauðsynlegur undirbúningur

Umsækjendur þurfa að hafa lokið stúdentsprófi eða sambærilegu prófi. Við mat á umsóknum er tekið tillit til einkunna á stúdentsprófi, frekari menntunar, starfsreynslu og fleiri þátta. Umsækjendur eru því hvattir til að gera grein fyrir öllu því sem þeir telja geta orðið umsókn sinni til framdráttar. 

Fylgiskjöl með umsókn

Umsækjendur fylla út rafræna umsókn og fylgigögnum skal skila inn í sama umsóknarkerfi. Eftirfarandi gögn þurfa að fylgja umsókn:

  • Staðfest afrit af prófskírteini/námsferilsyfirlit.
  • Staðfestum einkunnum frá öðrum skólum ef áfangar hafa verið metnir.
  • Önnur gögn mega fylgja en eru ekki skilyrði.
  • Til viðbótar við stúdentspróf er frekari menntun og starfsreynsla einnig talin til tekna. Ef umsækjandi telur ástæðu til getur hann skilað inn náms- og starfsferli og meðmælum með umsókninni.

Mat á fyrra námi

Ef umsækjandi hefur lokið námskeiðum á háskólastigi er hægt að sækja um mat á fyrra námi.  

Innritun um áramót

Ekki er opið fyrir umsóknir um áramót. Undantekningar eru mögulegar ef nemandi í HR óskar eftir að skipta um námsbraut og uppfyllir inntökuskilyrði í sálfræði. Einnig ef nám í sálfræði hefur verið stundað í öðrum háskóla.

Hafðu samband

Áslaug Pálsdóttir

Áslaug Pálsdóttir

Verkefnastjóri

Kamilla Rún Jóhannsdóttir

Kamilla Rún Jóhannsdóttir

Forstöðumaður BSc-náms


Var efnið hjálplegt? Nei