Ár frá upphafi búsáhaldabyltingar
Í dag er ár liðið frá því að Alþingi kom saman eftir jólaleyfi sem að öllu jöfnu er ekki í frásögur færandi nema að árið 2009 kom um leið til mótmæla á Austurvelli, þeirra harðvítugustu um áratugaskeið. Búsáhaldabyltingin á því eins árs afmæli í dag. Af því tilefni fékk Morgunvakt Rásar 2 þá Guðna Th. Jóhannesson, sagnfræðing og lektor við lagadeild HR og Hörð Torfason til að líta um öxl og fara yfir atburðina og hvað hefði áunnist.
