Tekur afsökunarbeiðni með fyrirvara
Stefán Einar Stefánsson, siðfræðingur við lagadeild Háskólans í Reykjavík, segir í samtali við Pressuna í dag að hann taki afsökunarbeiðni Björgólfs Thors Björgólfssonar með fyrirvara.
„Maður veltir fyrir sér hvort þarna sé spuni í gangi eða hvort þarna sé heill hugur að baki,“ segir hann og vísar til þess að sporin hræði.
Björgólfur Thor birti afsökunarbeiðni sína til íslensku þjóðarinnar í aðsendri grein í Fréttablaðinu í dag.
