Mikilvægt að frumkvöðlar leiti sér menntunar
Vlad Vaiman tók í vetur við starfi forstöðumanns framhaldsnáms í viðskiptadeild HR. Hann segir meðal annars í ítarlegu viðtali við Fréttablaðið í dag að mikilvægt sé að frumkvöðlar leiti sér menntunar svo þeir geti búið til verðmæti úr sköpun sinni.
Þá segir hann að mikil verðmæti leynist í íslenskri hönnun.
Víða er komið við í viðtalinu en þar skýrir Vlad m.a. frá því hvers vegna hann hafi ákveðið að flytja til Íslands, mánuði áður en bankarnir hrundu haustið 2008.
