Sakamálarannsókn ekki útilokuð
Í sjónvarpsfréttum RÚV í gærkvöldi var fjallað um þá afstöðu setts ríkissaksóknara að rannsóknarskýrsla Alþingis gæfi að svo stöddu ekki ástæðu til sakamálarannsóknar á málum fyrrum seðlabankastjóra og forstjóra Fjármálaeftirlits.
Rætt var við Svölu Ísfeld Ólafsdóttur, sérfræðing í refsirétti og afbrotafræði við lagadeild HR, og benti hún á að þessi niðurstaða útilokaði ekki að til sakamálarannsóknar komi síðar ef önnur rannsóknargögn gefi ástæðu til.
