Forsetalisti HR og nýnemastyrkir HR

14.9.2009

Nemendur á Forsetalista Háskólans í Reykjavík voru heiðraðir við hátíðlega athöfn í dag. Á sama tíma var nýnemastyrkur Háskólans í Reykjavík afhentur.

Forsetalisti HR

Á forsetalista HR komast þeir nemendur sem bestum árangri ná á hverju próftímabili og fá þeir skólagjöld næstu annar niðurfelld.

Að þessu sinni komst 71 nemandi á Forsetalista HR og var skiptingin með eftirfarandi hætti á milli deilda:

• LD                                             4
• KLD                                          3
• TD                                           10
• VD                                           10
• VD – HMV vor og sumar     14
• TVD                                         27
• FrumgreinaMennt                  3

Grunnnám - nýnemastyrkur

Alls hlutu 35 nemendur úr öllum deildum nýnemastyrk grunnnáms; 15 karlar og 20 konur.

Háskólinn í Reykjavík veitir afburðanemendum nýnemastyrk á fyrstu önn þeirra við skólann. Styrkurinn nemur skólagjöldum á fyrstu önn námsins. Styrkurinn er eingöngu veittur nemendum sem hefja námið á haustönn.

Allir sem sækja um skólavist og eru með yfir 8,0 í meðaleinkunn á stúdentsprófi geta sótt um styrkinn, og til að geta sótt um styrkinn þarf fyrst að sækja um skólavist í HR. Aðeins þeir sem eru að fara í 3ja ára BSc/BA-nám geta sótt um styrkinn.

Meistaranám - nýnemastyrkur

Alls hlutu 10 nemendur úr öllum deildum nýnemastyrk meistaranáms; 4 karlar og 6 konur.

Háskólinn í Reykjavík veitir afburðanemendum sem hefja meistaranám styrk á fyrstu önn þeirra við skólann. Meistaranámsstyrkurinn nemur skólagjöldum á fyrstu önn námsins. Styrkurinn er eingöngu veittur nemendum sem hefja meistaranám á haustönn.

Nemendur sem hlutu nýnemastyrk grunnnáms ásamt rektor HR.

Nemendur sem hlutur nýnemastyrk meistaranáms ásamt rektor HR.

Nemendur kennslufræði- og lýðheilsudeildar HR sem eru á forsetalista ásamt forseta deildarinnar og rektor HR.

Nemendur lagadeildar HR sem eru á forsetalista ásamt forseta deildarinnar og rektor HR.

Nemendur tækni- og verkfræðideildar HR sem eru á forsetalista ásamt forseta deildarinnar og rektor HR.

Nemendur viðskiptadeildar HR sem eru á forsetalista ásamt forseta deildarinnar og rektor HR.

Nemendur tölvunarfræðideildar HR sem eru á forsetalista ásamt forseta deildarinnar og rektor HR.

Nemendur frumgreinamenntar HR sem eru á forsetalista ásamt forstöðumanni námsins og rektor HR.