Forsíðufréttir
Verður takmarkaðri ábyrgð hluthafa aflétt?
Lagadeild HR stóð fyrir hádegisfundi í dag þar sem fjallað var ýmis lagaleg og siðferðileg álitamál sem upp koma þegar hlutafélagaformið er misnotað.
Mikill áhugi virðist vera á umræðum af þessu tagi þessi misserin, alltént var húsfyllir á fundinum. Tvö erindi voru flutt á fundinum. Annars vegar fjallaði Jóhannes Rúnar Jóhannsson, hæstaréttarlögmaður og aðjúnkt við HR, um eðli takmarkaðrar ábyrgðar í hlutafélögum og hvort unnt væri að víkja frá henni í undantekningartilvikum. Hins vegar fjallaði Stefán Einar Stefánsson, viðskiptasiðfræðingur við HR, um þá spurningu hvort réttlætanlegt sé að aflétta hinni takmörkuðu ábyrgð í þeim aðstæðum þar sem hlutafélagaformið hefur verið misnotað.
Líflegar umræður voru að fundinum loknum.
