Forsetalisti HR og nýnemastyrkur HR
Nemendur á Forsetalista Háskólans í Reykjavík voru heiðraðir við hátíðlega athöfn í veitingahúsinu Nauthóli við HR í Nauthólsvík í dag. Á sama tíma var nýnemastyrkur Háskólans í Reykjavík afhentur.
Forsetalisti HR
Á forsetalista HR komast þeir nemendur sem bestum árangri ná á hverju próftímabili og fá þeir skólagjöld næstu annar niðurfelld.
Að þessu sinni komust 48 nemendur á Forsetalista HR og var skiptingin með eftirfarandi hætti á milli deilda:
| Lagadeild |
6 |
|---|---|
| Kennslufræði- og lýðheilsudeild (fjórir nemendur voru jafnir á 3. ári og fær því hver þeirra helming skólagjalda einnar annar niðurfelldan) |
7 |
| Tölvunarfræðideild |
7 |
| Viðskiptadeild - dagskóli |
6 |
| Viðskiptadeild – Háskólanám með vinnu (HMV) | 6 |
| Tækni- og verkfræðideild (10 í verkfræði og 6 í tæknifræði |
16 |
Alls hlutu 6 nemendur (3 karlar og 3 konur) í grunnnámi nýnemastyrk; 3 í hátækniverkfræði, 2 tölvunarfræðinemar og 1 nemi í viðskiptafræði.
Háskólinn í Reykjavík veitir afburðanemendum nýnemastyrk á fyrstu önn þeirra við skólann. Styrkurinn nemur skólagjöldum á fyrstu önn námsins. Styrkurinn er eingöngu veittur nemendum sem hefja námið á haustönn.
Allir sem sækja um skólavist og eru með yfir 8,0 í meðaleinkunn á stúdentsprófi geta sótt um styrkinn, og til að geta sótt um styrkinn þarf fyrst að sækja um skólavist í HR. Aðeins þeir sem eru að fara í 3ja ára BSc/BA-nám geta sótt um styrkinn.
Meistaranám - nýnemastyrkur
Nýnemastyrkur meistaranáms var veittur tveimur nemendum úr lagadeild, karli og konu.
Háskólinn í Reykjavík veitir afburðanemendum sem hefja meistaranám styrk á fyrstu önn þeirra við skólann. Meistaranámsstyrkurinn nemur skólagjöldum á fyrstu önn námsins.
Opni háskólinn - FrumgreinaMennt
Auk þess fengu tveir nemendur FrumgreinaMenntar Opna háskólans styrki fyrir góðan námsárangur (karl og kona).
Forsetalistanemendur lagadeildar ásamt Þórði S. Gunnarssyni, forseta deildarinnar.
Forsetalistanemendur kennslufræði- og lýðheilsudeildar ásamt Þorláki Karlssyni, forseta deildarinnar.
Forsetalistanemendur tölvunarfræðideildar ásamt Birni Þór Jónssyni, starfandi forseta deildarinnar.
Forsetalistanemendur viðskiptadeildar ásamt Friðriki Má Baldurssyni, forseta deildarinnar.
Forsetalistanemendur tækni- og verkfræðideildar ásamt Gunnari Guðna Tómassyni, forseta deildarinnar.
Handhafar nýnemastyrks HR ásamt Ara Kristni Jónssyni, rektori HR.
Verðlaunahafar FrumgreinaMenntar OH ásamt Guðrúnu Högnadóttur, framkvæmdastjóra Opna háskólans í HR og Málfríði Þórarinsdóttur, forstöðumanni frumgreinanámsins.
