Forsíðufréttir
BBC heimsækir HR
Fréttamenn breska ríkisútvarpsins (BBC) heimsóttu Háskólann í Reykjavík í vikunni og ræddu við nemendur í meistaranámi í alþjóðaviðskiptum um ástandið á Íslandi, horfur og væntanlega þjóðaratkvæðagreiðslu um Icesave.
Þeir Stephen Evans og Eric Graydon dvelja hér á landi í nokkra daga til að kynna sér íslenskt samfélag. Þeir reikna með að gera tvo þætti um Ísland sem verða sendir út á BBC World Service í næstu viku.
Evans og Graydon tóku langt viðtal við þrjá meistaranemendur og eins ræddu þeir við Vlad Vaiman, forstöðumann námsins.
Frá vinstri til hægri: Stephen Evans, Vlad Vaiman og Eric Graydon.
