Fréttir eftir árum


Fréttir

Starfsmöguleikarnir kannaðir á Framadögum háskólanna

10.2.2017

Hinir árlegu Framadagar AISEC á Íslandi voru haldnir í Sólinni í HR í gær, þann 9. febrúar. 84 fyrirtæki tóku þátt að þessu sinni og viðburðinn sóttu þúsundir gesta. Á Framadögum gefst háskólanemum færi á að spjalla við fulltrúa fjölmargra fyrirtækja og stofnana og þar með fá innsýn í störf sem gætu biðið þeirra að námi loknu.

Forseti Íslands heldur ræðu í SólinniÞað var Guðni Th. Jóhannesson, forseti Íslands, sem setti Framadaga 2017 kl. 10. Hann gaf sér að setningu lokinni góðan tíma til að rölta á milli kynningarbása og spjalla við fulltrúa AISEC á Íslandi og þeirra fyrirtækja sem tóku þátt. Dagskráin stóð svo yfir í HR til kl. 17 en boðið var upp á rútuferðir frá Háskóla Íslands svo að sem flestir háskólanemar gætu sótt Framadaga heim.

fjöldi manns skoðar bása í Sólinni

Gestir Framadaga gátu þar að auki sótt fróðlega fyrirlestra um gerð ferilskrár, leiðtogastíl, jafnrétti á vinnumarkaði, nýsköpun og bauðst endurgjaldslaus ráðgjafaþjónusta frá leiðandi fyrirtækjum á sviði atvinnumiðlunar.

 

AIESEC eru alþjóðleg nemendasamtök sem starfrækt eru í meira en 125 löndum. Samtökin sjá um framkvæmd og skipulagningu Framadaga ár hvert.