HR-Áskorunin
Hönnunarkeppni tækni- og verkfræðideildar fyrir framhaldsskólanema
Tækni- og verkfræðideild Háskólans í Reykjavík stendur fyrir hönnunarkeppninni, HR-Áskorunin. Keppt hefur verið árlega síðan 2010 og glímt er við nýja þraut hverju sinni. Vegleg verðlaun eru í boði fyrir þau lið sem standa sig best.
|
HR-Áskorunin 2012 felst í því að hanna og smíða vél sem flytur geisladisk frá upphafsstað til lokastaðar. Vélin fer í gegnum a.m.k. 20 aðgerðir og þarf geisladiskurinn að hafa viðkomu á a.m.k. tveimur öðrum stöðum en upphafi og endi. |
Skráning fer fram rafrænt og skila keppendur af sér myndskeiði og lýsingu á verkefninu á skráningarsíðu ekki seinna en 13. febrúar. Bestu lausnirnar komast í úrslitakeppni sem haldin verður á Háskóladeginum laugardaginn 18. febrúar 2012 í Háskólanum í Reykjavík, Nauthólsvík.
Nánari upplýsingar er að finna á vef HR-Áskoruninnar http://www.askorunin.is/.
