Inntökuskilyrði og fylgigögn

BA-nám, BSc-nám og diplóma-nám

Umsækjendur þurfa að hafa lokið stúdentsprófi, frumgreinaprófi HR eða öðru sambærilegu prófi. Við mat á umsóknum er tekið tillit til einkunna á stúdentsprófi, frumgreinaprófi HR, frekari menntunar, starfsreynslu, þátttöku í félagsstörfum og áhugamála. Umsækjendur eru því hvattir til að gera grein fyrir öllu því sem þeir telja geta orðið umsókn sinni til framdráttar.

Fylgigögn:

• Staðfest afrit af stúdentsprófskírteini
  Skila þarf staðfestum einkunnum frá öðrum skólum ef áfangar eru metnir.
• Upplýsingar um aðra menntun
  Ef umsækjandi hefur ekki lokið stúdentsprófi en telur sig vera með sambærilegt nám að baki er nauðsynlegt að skila inn yfirliti af námsárangri frá viðkomandi skóla.
• Önnur gögn – mega fylgja en eru ekki skilyrði
  Til viðbótar við stúdentspróf er frekari menntun og starfsreynsla einnig talin til tekna. Ef umsækjandi telur ástæðu til getur hann skilað inn náms- og starfsferli og meðmælum með umsókninni.

Frumgreinasvið

Fyrir þá sem lokið hafa iðnnámi:

• Staðfest afrit af burtfararskírteini
  
• Hafi umsækjandi lokið sveinsprófi skal staðfest afrit af sveinsprófi einnig fylgja með.
  

Fyrir þá sem hafa ekki lokið iðnnámi:

• Staðfest afrit af námsferli
  
• Starfsvottorð
  

Fyrir þá sem lokið hafa stúdentsprófi og sækja um viðbótarnám í stærðfræði og raungreinum:

• Staðfest afrit af stúdentsprófsskírteini
  

Hvað þarf að fylgja með umsóknum fyrir íþróttafræði?

• Staðfest afrit af stúdentsprófskírteini
  Skila þarf staðfestum einkunnum frá öðrum skólum ef áfangar eru metnir.
• Upplýsingar um aðra menntun
  Ef umsækjandi hefur ekki lokið stúdentsprófi en telur sig vera með sambærilegt nám að baki er nauðsynlegt að skila inn yfirliti af námsárangri frá viðkomandi skóla.

Hvað þarf að fylgja með umsóknum fyrir iðnfræði?

• Námsferill
• Sveinsbréf eða meistarabréf
• Starfsferill (etv. meðmæli)

Meistaranám í viðskiptadeild

Umsækjendur þurfa að hafa lokið háskólaprófi eða sambærilegu námi. Miðað er við þriggja ára starfsreynslu fyrir MBA námið en starfsreynsla er ekki nauðsynleg fyrir annað meistaranám. Frekari menntun og starfsreynsla er talin umsækjanda til tekna við mat á umsóknum.

Fylgigögn:

• Yfirlit yfir náms- og starfsferil (ferilskrá á ensku eða íslensku).
• Staðfest afrit af prófskírteinum
• Tvær ritgerðir: 

1. Why do you want to pursue an MBA/MSc degree? (allt að 500 orð á ensku)?
2. Discuss your short term and long term goals post MBA/MSc/MCF/MACC (allt að 500 orð á ensku).

• Meðmælabréf frá einstaklingum sem að geta metið hæfni umsækjenda til að takast á við námið. Meðmælabréf mega vera á ensku eða íslensku en eiga að berast beint til HR í innsigluðu umslagi.

• Önnur gögn - mega fylgja en ekki skilyrði. Til viðbótar við háskólapróf er frekari menntun og starfsreynsla einnig talin til tekna.

Hvað þarf að fylgja með umsóknum um MSc nám í tækni- og verkfræðideild?

• Frumrit eða staðfest ljósrit af einkunnum og prófskírteinum.
• Að nemendur tilgreini tvo meðmælendur þar sem fram koma eftirfarandi upplýsingar: Nafn, sími, netfang, fyrirtæki og staða. 
• Markmiðalýsing, þar sem umsækjandi gerir grein fyrir framtíðarmarkmiðum sínum og hvernig meistaranámið getur fallið þar inn í og hjálpað umsækjandanum að ná markmiðum sínum (inn í rafrænni umsókn eða í viðhengi með umsókn).
  

Hvað þarf að fylgja með umsóknum um MSc og MEd nám í íþróttafræðum?

• Frumrit eða staðfest ljósrit af einkunnum og prófskírteinum.
• Önnur gögn - mega fylgja en ekki skilyrði. Til viðbótar við háskólapróf er frekari menntun og starfsreynsla einnig talin til tekna. Ef umsækjandi telur ástæðu til getur hann skilað inn starfsferilskrá og meðmælum með umsókninni.

Hvað þarf að fylgja með umsóknum um framhaldsnám í tölvunarfræðideild?

Meistaranám í tölvunarfræði - Allar leiðbeiningar um fylgigögn með umsóknum fyrir meistaranám í tölvunarfræði má finna á þessari slóð

Meistaranám í hugbúnaðarverkfræði - Allar leiðbeiningar um fylgigögn með umsóknum fyrir meistaranám í hugbúnaðarverkfræði má finna á þessari slóð

Doktorsnám í tölvunarfræði - Allar leiðbeiningar um fylgigögn með umsóknum fyrir doktorsnám í tölvunarfræði má finna á þessari slóð