Verkefnatengt laganám

Nemendur sem hefja nám við lagadeild byrja á þriggja ára grunnnámi í lögfræði eða í lögfræði með viðskiptafræði sem aukagrein. Að grunnnámi loknu gefst nemendum kostur á framhaldsnámi til meistaraprófs í lögfræði. Við HR er hægt að byggja meistaranám í lögfræði ofan á grunnnám í öðru fagi. Kennsla fer að hluta fram í fyrirlestrum og raunhæfum verkefnum en einnig í formi vinnu- og umræðufunda.


Grunnnám (BSc) í lögfræði

BA í lögfræði

Þriggja ára nám til BA-prófs. Fjöldi eininga: 180. 165 einingar í kjarna og 15 einingar í vali. Nemendum gefst kostur á að velja tvær kjörgreinar úr meistaranámi við lagadeild eða skrifa BA-ritgerð sem er 15 einingar. 

Nám í lögfræði er verkefnatengt laganám og áhersla er lögð á að nemendur vinni að úrlausn raunhæfra verkefna. Þannig fá nemendur þjálfun í að beita lögfræðilegri aðferðafræði sem gerir þá hæfari til að takast á við þau verkefni sem bíða þeirra eftir nám.

BA í lögfræði með viðskiptafræði sem aukagrein

Þriggja ára nám til BA-prófs. Fjöldi eininga: 180. 120 einingar úr lögfræði og 60 einingar úr viðskiptafræði. Nemendum gefst kostur á að bæta við sig einu aukaári í viðskiptafræði eftir útskrift og ljúka þannig tveimur námsgráðum á fjórum árum.

BSc í viðskiptafræði með lögfræði sem aukagrein - 4 ár

Nemandi sem hefur lokið BA-gráðu í lögfræði með viðskiptafræði sem aukagrein getur sótt um að bæta við sig einu ári í viðskiptafræði og útskrifast að því loknu einnig með BSc-gráðu í viðskiptafræði með lögfræði sem aukagrein.

Meistaranám (MSc) í lögfræði

ML-nám í lögfræði er tveggja ára nám, en heimilt er að ljúka því á fjórum árum. Námið byggist að mestu leyti á einstaklingsbundinni námsáætlun, sjálfstæðri vinnu undir handleiðslu kennara og verkefnavinnu. Eitt af megineinkennum námsins er fjölþætt val um áherslur og námsleiðir. Þetta veitir nemendum mikla möguleika á sérhæfingu innan lögfræðinnar og samþættingu við aðrar háskólagreinar. Sérstök áhersla er lögð á að bjóða kjörgreinar á sviði alþjóðalaga og alþjóðaviðskipta, dómstóla og málflutnings og fjármunaréttar.

Doktorsnám (PhD) í lögfræði

Doktorsnám er fullt nám í þrjú ár og er 180 einingar. Gert er ráð fyrir því að námstíminn vari í fjögur ár ef nemandi sinnir kennslu eða öðrum störfum með náminu.

Ekki er sérstök námskeiðalína í doktorsnámi. Þess í stað eru námskeið og rannsóknarmálstofur skipulögð ad hoc, eða í samstarfi við aðra háskóla og rannsóknasamstarf. Leiðbeinandi og doktorsnemi skipuleggja saman einstaklingsbundna námsáætlun sem er til þess fallin að auka hæfni og þekkingu doktorsnemans til að vinna að rannsóknum og kennslu á sínu sérsviði.



Viðburðir

4.3.2017 Háskóladagurinn

Kynntu þér framboð náms við Háskólann í Reykjavík

Vertu velkomin/n í Háskólann í Reykjavík á Háskóladaginn 4. mars 2017. Þar gefst þér tækifæri til að kynna þér fjölbreytt námsframboð við HR og spjalla við nemendur, kennara og náms- og starfsráðgjafa um allt sem viðkemur náminu.

 

4.3.2017 13:00 - 14:00 Aftur til framtíðar

Hvert verður mitt hlutverk í fjórðu iðnbyltingunni?

Fjórða iðnbyltingin er á næsta leiti og því er spáð að tækni og sjálfvirkni muni á næstu árum og áratugum gerbreyta okkar lífi og störfum. Stór hluti þeirra starfa sem fólk vinnur í dag mun hverfa í þeirri byltingu og ný verða til í þeirra stað. Hvernig verða störf framtíðarinnar? Er hægt að undirbúa sig fyrir störf sem eru ekki til í dag? Háskólinn í Reykjavík býður til stutts málþings á Háskóladaginn 4. mars þar sem sérfræðingar ræða vinnumarkaðinn, framtíðina og fjórðu iðnbyltinguna.

 

24.4.2017 - 12.5.2017 9:00 - 16:00 Oliver Luckett: Social Media Storytelling, Direct to Consumer E-commerce, and Building Fan Bases at Scale

Námskeið opið öllum nemendum Háskólans í Reykjavík

Samfélagsmiðlar skipa sífellt stærri sess í daglegu lífi okkar og mikilvægi þeirra þegar kemur að því að markaðssetningu vörumerkja er óumdeilt enda fara samskipti fólks í síauknum mæli fram á þessum miðlum og á netinu almennt

 

Fleiri viðburðir


Fréttir

Gestir á Framadögum skoða bæklinga af mikilli forvitni

10.2.2017 : Starfsmöguleikarnir kannaðir á Framadögum háskólanna

Hinir árlegu Framadagar AISEC á Íslandi voru haldnir í Sólinni í HR í gær, þann 9. febrúar. 84 fyrirtæki tóku þátt að þessu sinni og viðburðinn sóttu þúsundir gesta. Á Framadögum gefst háskólanemum færi á að spjalla við fulltrúa fjölmargra fyrirtækja og stofnana og þar með fá innsýn í störf sem gætu biðið þeirra að námi loknu.

Útskriftarhópurinn, vor 2017

28.1.2017 : 220 brautskráðir í dag

220 nemendur voru brautskráðir frá Háskólanum í Reykjavík við hátíðlega athöfn í Hörpu í dag. 163 nemendur voru brautskráðir úr grunnnámi og 56 úr meistaranámi.

Eldri fréttir


Umsagnir laganema

Rakel Lind stendur við bókahillur

Rakel Lind Hauksdóttir: ML-nám án grunnnáms í lögum

„Þegar ég valdi framhaldsnám hafði ég það að leiðarljósi að námið væri krefjandi og myndi styrkja mig í að ná framtíðarmarkmiðum mínum. ML-nám í lögum við HR hefur staðið undir öllum væntingum mínum og gott betur en það.“


Fara á umsóknarvef