Er hópmálsókn tímabær á Íslandi?
Lagadeild Háskólans í Reykjavík stendur fyrir hádegisfundi þriðjudaginn 17. nóvember kl. 12:00-13:00 í Háskólanum í Reykjavík, Ofanleiti 2, stofu 201.
Hópmálsókn - er hún fær að íslenskum lögum eða þarf að breyta réttarfarslögum?
Gísli Tryggvason, aðjúnkt við lagadeild HR og talsmaður neytenda, fer yfir gildandi rétt og þörf á úrbótum - einkum m.t.t. hagsmuna og réttinda neytenda og lítur einkum til norrænna fyrirmynda.
Hópmálsóknir – skot yfir markið?
Guðrún Guðrún Björk Bjarnadóttir, aðjúnkt við lagadeild HR og lögmaður hjá Samtökum atvinnulífsins, fjallar um ákvæði íslenskra laga um hópmálsóknir. Hún gerir grein fyrir umræðunni í Evrópusambandinu um hópmálsóknir og þá sérstaklega í samkeppnismálum og veltir því upp hvort ekki séu betri leiðir en hópmálsóknir til að ná sama markmiði um aukna réttarvernd neytenda.
Fundarstjóri:
Sigurður Tómas Magnússon, sérfræðingur við lagadeild HR.
Aðgangur er ókeypis og öllum opinn.
