Grunnhlutverk háskóla eru kennsla og rannsóknir. Nemar gleyma því stundum, að kennsla er aðeins hluti af störfum háskólafólks; flestir stunda einnig rannsóknir og skapa þar með nýja þekkingu á sínu sviði. Í HR er lögð áhersla á rannsóknir, rétt eins og framúrskarandi kennslu, og einnig að kennarar miðli rannsóknum til nema. Þannig fá nemarnir bæðu bestu og nýjustu þekkingu á sínu sviði og fyrst innsýn og síðan þjálfun í rannsóknavinnu.
Ragnhildur Helgadóttir prófessor við lagadeild HR og formaður Rannsóknarráðs
Rannsóknir innan lagadeildar Háskólans í Reykjavík
Rannsóknir eru verulegur þáttur á starfi allra fastráðinna kennara við lagadeild og framlag þeirra til rannsókna á sviði lögfræði verulegt og verulegur hluti af starfstíma kennara. Deildin hefur sett sér sérstaka stefnu í rannsóknum og birtir árlega skýrslu um rannsóknarvirkni einstakra kennara þ.m.t. birtingar í ritrýndum tímaritum. Kennarar við lagadeild hafa á undanförnum árum fengið úthlutað styrkjum úr innlendum (og erlendum) samkeppnissjóðum og náð í þeim efnum mjög athyglisverðum árangri.
DOMAC rannsóknarverkefnið
Lagadeild Háskólans í Reykjavík hlaut styrk úr 7. rannsóknaráætlun Evrópusambandsins og nam upphæðin 1,4 milljónum evra.
Styrkurinn er sá langhæsti sem úthlutað hefur verið til íslensks verkefnis á sviði hug- og félagsvísinda og einnig í fyrsta sinn sem íslenskur háskóli fær styrk úr rannsóknaráætlun Evrópusambandsins vegna rannsókna í lögfræði. Þórdís Ingadóttir, dósent við lagadeild Háskólans í Reykjavík, stýrir verkefninu í heild. Samstarfsskólar Háskólans í Reykjavík eru Amsterdam University, Hebrew University í Jerúsalem og University College London.
Verkefnið ber heitið Impact of International Criminal Procedures on Domestic Criminal Procedures in Mass Atrocity Cases. Í því er leitast við að meta áhrif alþjóðlegs refsiréttar og alþjóðadómstóla á landsrétt í málum er varða gróf og víðtæk mannúðar- og mannréttindabrot. Markmiðið er að efla samspil landsréttar og þjóðaréttar á þessu sviði, auka áhrif og virkni alþjóðadómstóla og bæta þar með viðbrögð landsréttar við slíkum brotum.
Verkefnið stendur yfir í þrjú ár, frá 2008 til 2011. Heimasíða DOMAC
Bók um réttindi fólks með fatlanir er komin út
-The UN Convention on the Rights of Persons with Disabilities: European and Scandinavian Perspectives.
Um er að ræða ritrýnt greinasafn þar sem 13 fræðimenn og konur birta greinar um hinn nýja sáttmála Sameinuðu þjóðanna um mannréttindi fólks með fatlanir sem tók gildi í mars 2008. Ritstjórar eru Oddný Mjöll Arnardóttir, prófessor við Háskólann í Reykjavík og Gerard Quinn, prófessor við National University of Ireland.
Sáttmáli Sameinuðu þjóðanna um réttindi fólks með fatlanir er fyrsti alþjóðlegi mannréttindasáttmáli 21. aldarinnar. Með honum er leitast við að tryggja að þær u.þ.b. 650 milljónir jarðarbúa sem búa við fatlanir af ýmsu tagi njóti virkrar og jafnrar mannréttindaverndar á við aðra. Greinasafnið fjallar um þróunardrætti frá sjónarhorni alþjóðlegrar mannréttindaverndar, Evrópuréttar og landsréttar á Norðurlöndum. Um er að ræða fyrsta alþjóðlega fræðiritið um sáttmálann og markar það þau tímamót að staðsetja málefni fatlaðra meðal kjarnasviða alþjóðlegrar mannréttindaverndar.
Ritið er gefið út af Martinus Nijhoff Publishers í Hollandi, sem sérhæfir sig í útgáfu vandaðra fræðitímarita og bóka á sviði þjóðaréttar, mannréttinda og mannúðarlaga. Ritið er einkum ætlað rannsakendum og háskólanemum á sviði lögfræði, félagsfræði, stjórnmálafræði og fötlunarfræði, en einnig öllum þeim sem áhuga hafa á réttindum fólks með fatlanir og alþjóðlegri og evrópskri mannréttindavernd.
Almannatryggingar: Hlutverk og samspil við önnur bótaúrræði.
Árin 2005 - 2007 unnu Dr. Guðmundur Sigurðsson og Dr. Ragnhildur Helgadóttir , ásamt nemum að verkefninu "Almannatryggingar - hlutverk og samspil við önnur bótaúrræði". Verkefnið var styrkt af Rannsóknasjóði. Afrakstur þess eru 3 greinar um almannatryggingar og tengd efni og ein bók, sem heitir "Almannatryggingar og félagsleg aðstoð." Í framhaldi af verkefninu hyggjast þau halda áfram að rannsaka tengsl og samspil bótakerfa (t.a.m. sjúkrasjóða stéttarfélaga, vátrygginga, skaðabótaréttar, lífeyrissjóða og almannatrygginga) og hafa fengið styrk frá Norrænu rannsóknamiðstöðinni (Nordforsk) til norrænna fundahalda um það efni. Sjá efni sem tengist ráðstefnunni
Tímarit Lögréttu
Tímarit Lögrétt
u er ritrýnt fræðirit í lögfræði sem gefið er út af Lögréttu, félagi laganema við HR.
