Rannsóknarstofnanir lagadeildar
Við lagadeild HR eru starfræktar þrjár rannsóknarstofnanir og Miðstöð Evrópuupplýsinga.
Evrópuréttarstofnun HR
Markmið Evrópuréttarstofnunar HR er að auka rannsóknir á sviði Evrópuréttar hér á landi og stuðla að faglegri umræðu um stöðu Íslands í samfélagi Evrópuþjóða. Meginhlutverk stofnunarinnar er að efla tengsl rannsókna og kennslu á sviði Evrópuréttar og Evrópumála, einkum með þátttöku nemenda í rannsóknavinnu við stofnunina. EHR veitir því nemendum í framhaldsnámi faglegan stuðning og aðstöðu til eigin rannsókna.
European Law Institute
Forstöðumaður er Margrét Einarsdóttir sérfræðingur við lagadeild HR.
Miðstöð Evrópuupplýsinga EU i
Evrópuupplýsingastofa (EUi) er starfrækt í bókasafninu í Úranusi, sú eina sinnar tegundar hérlendis. EUi-stofur er að finna víða í löndum utan Evrópusambandsins og eru þær hluti af upplýsingastefnu þess „EU in the World“. EUi-stofunni er fyrst og fremst ætlað að þjóna íslenska háskólasamfélaginu, auk fyrirtækja og stofnana.
Auðlindaréttarstofnun HR
Stofnuninni er ætlað að vera vettvangur fyrir fræðilegar rannsóknir á réttarreglum sem varða hagnýtingu og vernd náttúruauðlinda, vera miðstöð þekkingar og fræðslu um auðlindarétt og veita þjónustu og ráðgjöf um lagaleg atriði á því sviði.
Institute on Natural Resources Law.
Forstöðumaður er Kristín Haraldsdóttir sérfræðingur við lagadeild.
