Hlutverk lagadeildar HR er að skapa og miðla þekkingu í umhverfi sem hvetur til frumkvæðis, gagnrýnnar hugsunar og vísindalegra vinnubragða og auka þannig lífsgæði og samkeppnishæfni í samfélaginu. 

Lagadeild HR er brautryðjandi í nútímavæðingu laganáms á Íslandi og ætlar að vera í fararbroddi lagadeilda á Norðurlöndum með vönduðu og framsæknu námi sem gerir deildina að fyrsta valkosti í laganámi hér á landi.  Lagadeild HR leggur ríka áherslu á virk og veruleg tengsl við atvinnulífið, m.a. með þátttöku sérfræðinga úr atvinnulífinu í kennslu, með starfsnámi og samspili bóklegs náms og hagnýtra verkefna.  Þessi tengsl eru liður í því að búa nemendur sem best undir þátttöku í atvinnulífinu að námi loknu.

• BA í lögfræði - 180 ECTS - þriggja ára nám
• ML í lögfræði - 120 ECTS - tveggja ára nám
• PhD í lögfræði - 180 ECTS - þriggja ára nám