Viðskiptafræði MSc

Nám fyrir þá sem vilja tvinna saman ólík fræðasvið eins og fjármál, reikningsskil, alþjóðaviðskipti, markaðsmál og mannauðsstjórnun. Jafnframt er hægt að velja námskeið úr öðrum deildum og auka þannig þverfaglega þekkingu. 

Um námið

Nemandi í meistaranámi í viðskiptafræði situr við stórt borð inni á skrifstofu

Fjölbreytt nám og margir möguleikar

Námið er 120 ECTS MSc-nám og tekur tvö ár. Efni námsins er byggt á alþjóðlegum fræðakröfum og góðu samráði við framsækin íslensk fyrirtæki. Nemendum gefst kostur á starfsnámi sem metið er til eininga, valnámskeiðum sem auka þverfagleika námsins eða skiptinámi við erlendan samstarfsskóla. Aukinn þverfagleiki fæst með því að velja til dæmis námskeið úr lögfræði, sálfræði, upplýsingatækni eða orkuvísindum.

Námi lokið á lengri tíma

Námið hentar einnig þeim sem vilja stunda námið á lengri tíma samhliða vinnu en stór hluti námskeiða eru kennd seinni part dags eða um helgar. 

Tungumál í kennslu

Námið er alfarið kennt á ensku en í boði eru valnámskeið á íslensku.

Styrkir

Nemendur í meistaranámi við viðskiptadeild hafa kost á forsetastyrk. Styrkurinn felur í sér niðurfellingu hluta skólagjalda þannig að nemandi greiðir skólagjöld sem nema sömu upphæð og skólagjöld grunnnáms. Sjá nánar um forsetastyrkinn.  

Meistaranám við viðskiptadeild 

Meistaranám við viðskiptadeild Háskólans í Reykjavík er byggt á alþjóðlegum kröfum og þróað í samráði við fyrirtæki. Kennarar leggja áherslu á verkefnavinnu og virka þátttöku, rannsóknir og nýsköpun. Námskeiðin eru kennd af íslenskum eða erlendum kennurum, sem veitir nemendum alþjóðlega sýn á námið. 

Samfélagsleg ábyrgð í starfi viðskiptadeildar

PRME

Viðskiptadeild HR hefur skrifað undir viljayfirlýsingu PRME (Principles of Responsible Management Education) varðandi menntun ábyrgra stjórnenda. Þar með hefur deildin skuldbundið sig til að mennta nemendur í samfélagslegri ábyrgð. Í því felst að leggja áherslu á ábyrga stjórnun og hvetja til þess að atvinnulífið stundi ábyrga viðskiptahætti. Viljayfirlýsing PRME var upphaflega sett fram af Sameinuðu þjóðunum. Í dag eru um 450 viðskiptaháskólar frá yfir 80 löndum hluti af verkefninu.

HR er jafnframt samstarfsaðili Festu, miðstöðvar um samfélagslega ábyrgð. 

Hafðu samband

Fríða Rúnarsdóttir

Fríða Rúnarsdóttir

Verkefnastjóri

Stefan-Wendt_sh

Stefan Wendt

Forstöðumaður

Aðstaða

Nemandi lærir í Sólinni

Þjónusta og góður aðbúnaður

Í háskólabyggingu HR er aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.

Kennslustofur og lesherbergi

Húsnæði Háskólans í Reykjavík býður upp á góða aðstöðu til kennslu, lesturs og samvinnu nemenda.

Meistaranemar í viðskiptadeild hafa til umráða sér aðstöðu til lesturs. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR.  

Þjónusta 

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu. 

Verslanir og kaffihús

Í HR er Háskólabúðin sem selur nauðsynjavörur, Te og kaffi, æfingasalur World Class og Málið veitingasala. 

Kennarar

Kennarar við viðskiptadeild

Nemendur  njóta leiðsagnar öflugra vísindamanna og sérfræðinga á fagsviðinu, stundakennara og gestafyrirlesara með sérfræðiþekkingu úr atvinnulífinu og erlenda kennara sem veita nemendum alþjóðlega sýn á námsefnið. Kennarar við HR eru að jafnaði í miklum samskiptum við nemendur.

Skipulag náms

Skipulag MSc

Námið er fjórar annir og á hverri önn  taka nemendur 30 ECTS einingar. Til að ljúka MSc-gráðu þarf að skila meistararitgerð (30 ECTS) við lok fjórðu annar. Námið er blanda kjarnanámskeiða og valnámskeiða. Með valnámskeiðum gefast möguleikar á því að víkka þekkingarsviðið sem og á samþættingu við aðrar greinar innan HR svo sem lögfræði og upplýsingatækni. Námið býður upp á nokkurn sveigjanleika og hægt er að taka það á lengri tíma og/eða taka viðbótar valnámskeið.

Þeim sem hyggjast stunda vinnu með námi er ráðlagt að taka hlutanám.

Skipulag náms

 HaustVorHaustVor
  • Exchange program, internship or electives  (30 ECTS)

Skipulag náms fyrir nemendur sem hófu nám haustið 2015 eða fyrr.

 Haust Vor Haust Vor 
  • Change management and leadership (7,5 ECTS) 
  • Strategic management (7,5 ECTS) 
  • International finance (7,5 ECTS) 
  • Elective (7,5 ECTS) 
  • Branding and strategic marketing (7,5 ECTS)
  • Business research methodology  (7,5 ECTS) 
  • Elective (7,5 ECTS)
  • Elective (7,5 ECTS)
  • Exchange program, internship or electives  (30 ECTS)
  • Research proposal
  • MSc Thesis (30 ECTS)






Upplýsingar fyrir nemendur

Starfsnám

Skipulag

Mögulegt er að taka starfsnám í stað eins eða tveggja valnámskeiða (7,5 - 15 ECTS). Starfsnámið er skipulagt á vegum HR og nemendur starfa undir handleiðslu tengiliðs hjá fyrirtæki. Starfsnám er mikilvægur þáttur fyrir þá sem hafa almennt litla starfsreynslu eða þá sem vilja nýta námið til að skapa sér tækifæri á nýjum vettvangi. Óski nemandi hinsvegar eftir því að stunda starfsnám erlendis (30 ECTS) þá er það á ábyrgð nemanda að koma á sambandi við fyrirtæki þar sem hann getur starfað undir handleiðslu tengils.

Dæmi um fyrirtæki og stofnanir sem hafa tekið við nemendum í starfsnám:

• Icelandair Group • Össur • KPMG • Deloitte • PwC • E&Y • Landspítalinn • Síminn • Orkuveita Reykjavíkur • NOVA • Vodafone • Vífilfell • Ölgerðin • Virðing • Sameinaði lífeyrissjóðurinn • Pipar TBWA • WOW • Icelandair  • Landsvirkjun • Advania • Alvogen • Landsbankinn • Mannvit • Nýherji • Reiknistofa bankanna • Eik fasteignafélag.

Hvað segja nemendur um starfsnámið

Francisco Rojas Riano, MSc í alþjóðaviðskiptum 2014.
Starfsnám hjá ThinkGeoEnergy

„Eftir námið hef ég kunnáttu til að meta tækifæri í viðskiptum og get greint þær áskoranir sem fyrirtæki, bæði stór og smá, standa frammi fyrir á alþjóðlegum markaði. Í meistaranáminu var ég í starfsnámi hjá sprotafyrirtækinu ThinkGeoEnergy. Í dag vinn ég fyrir fyrirtækið og rannsaka viðskiptaþróun í jarðvarmaiðnaðinum á heimsvísu.”

Inntökuskilyrði

Menntun

  • BSc-gráða í viðskiptafræði.
  • Almennt er krafist fyrstu einkunnar (7,25), en þó er tekið mið af einkunnadreifingu í því námi sem að umsækjandi hefur lokið. 
  • Frekari menntun og starfsreynsla er talin umsækjanda til tekna við mat á umsóknum.
  • Góð færni í ensku.

Umsókn og fylgigögn

Umsækjendur fylla út rafræna umsókn og fylgigögnum skal skila inn í umsóknarkerfið. Eftirfarandi gögn þurfa að fylgja umsókn (gögnin skulu vera á ensku): 

  • Staðfest afrit prófskírteina / námsferilsyfirlit.
  • Greinagerð (Hvers vegna sækir þú um námið og hvert er markmið þitt með náminu? (Allt að 300 orð á ensku). 
  • Ferilskrá.
  • Eitt meðmælabréf frá einstaklingi sem getur metið hæfni umsækjenda til að takast á við námið. Meðmælabréfið má vera á ensku eða íslensku og á að berast beint frá viðkomandi meðmælanda til verkefnastjóra meistaranámsins í viðskiptadeild á netfangið fridar@ru.is

Fylgigögn verða að berast áður en umsóknarfresturinn rennur út. Umsækjendur eru einungis boðaðir í viðtal ef þeir hafa skilað öllum nauðsynlegum fylgigögnum í tæka tíð.

Umsóknarfrestur

  • fyrir haustönn: 30. apríl 
  • fyrir vorönn: 5. desember 

Mat á fyrra námi

Ef umsækjandi hefur lokið námskeiðum á háskólastigi er hægt að sækja um mat á fyrra námi. Reglur og eyðublað vegna mats á fyrra námi.

Hafðu samband

Fríða Rúnarsdóttir

Fríða Rúnarsdóttir

Verkefnastjóri

Stefan-Wendt_sh

Stefan Wendt

Forstöðumaður


Var efnið hjálplegt? Nei