Viðbótarnám við stúdentspróf í stærðfræði og raungreinum

Um námið

Nemandi við frumgreinadeild stendur með bakpoka við stigann í Sólinni

Einstaklingsmiðuð námsáætlun

Námið er fyrir þá sem útskrifast hafa með stúdentspróf en vantar einingar í stærðfræði og/eða raungreinum til að uppfylla inntökuskilyrði í ákveðnar deildir innan HR. Gerð er námsáætlun þar sem valdir eru áfangar úr staðarnámi frumgreinadeildar miðað við bakgrunn hvers og eins nemanda.

Umsókn

Sótt er um á umsóknarvef Háskólans í Reykjavík. Í umsókn þarf að taka fram í athugasemd hvaða háskólanám stefnt er í að viðbótarnámi loknu. 

Þetta er nauðsynlegt að gera því áfangar fyrir hvern og einn nemanda eru valdir út frá því hvaða undirbúning vantar upp á fyrir þá tilteknu braut. Nemandi sækir svo um í grunnnám við HR að viðbótarnáminu loknu.

Skólagjöld

Nemendur greiða eitt gjald, óháð því hversu margir áfangar eru teknir. Skólagjöld fyrir nám við frumgreinadeild eru 137.000 kr. fyrir önnina.

Innritun einu sinni á ári

Eingöngu er tekið inn í námið á haustönn. 

Upplýsingar um námskeið

Sjá upplýsingar um námskeið í hverjum háskólagrunni fyrir sig undir Skipulag náms.

Skipulag náms

Lengd háð fyrra námi

Lengd og samsetning námsins er háð fyrra námi og miðað við það háskólanám sem stefnt er að. Þannig er gerð einstaklingsmiðuð námsáætlun fyrir hvern og einn nemanda. Oftast tekur einn vetur (haustönn og vorönn) að ljúka náminu því ákveðnir áfangar eru kenndir á haustönn sem margir viðbótarstúdentar þurfa að taka.

Tímar samkvæmt stundaskrá

Nemendur sækja tíma samkvæmt stundaskrá með nemendum í frumgreinanámi. Kennsla fer fram alla daga frá kl. 8:30 – 15:40 nema föstudaga, en þá lýkur kennslu kl. 14:00.

Tækni- og verkfræðigrunnur (Háskólagrunnur I)

Fyrir nemendur sem stefna í tæknifræði, verkfræði, hugbúnaðarverkfræði og tölvunarstærðfræði. Lota 4 er breytileg eftir því hvaða nám á í hlut.

1. lota 2. lota 3. lota 4. lota
STÆ2A05  STÆ3A07 STÆ3B05 STÆ4B04 
  STÆ2B05 STÆ4A10 EÐL3B04 / EFN3A04 
  EXC2A02 EÐL3A05 EÐL3B05 
  EÐL2A05 EFN2A05  

Tölvunarfræðigrunnur (Háskólagrunnur I)

Fyrir nemendur sem stefna í tölvunarfræði.

1. lota  2. lota 3. lota 4. lota
STÆ2A05 STÆ3A07 STÆ3C05 EXC3A04 
  STÆ2B05 FOR3B05  
  EXC2A02    
  FOR3A04    

Viðskiptafræðigrunnur (Háskólagrunnur II)

Fyrir nemendur sem stefna í viðskiptafræði, sálfræði og íþróttafræði.

1. lota 2. lota 3. lota 4. lota
STÆ2A05 STÆ3A07 STÆ3C05 EXC3A04 
  EXC2A02   FOR3A04

Lögfræðigrunnur (Háskólagrunnur II)

Fyrir nemendur sem stefna í lögfræði.

1. lota 2. lota 3. lota 4. lota
STÆ2A05 STÆ3A07 STÆ3C05 EXC3A04 
  TÖL2A05 REI3A05 FOR3A04
  EXC2A02    

Inntökuskilyrði

Fyrir nemendur sem lokið hafa stúdentsprófi

Einungis nemendur sem lokið hafa stúdentsprófi geta sótt um viðbótarnámið. 

Þeim sem ekki hafa lokið stúdentsprófi er bent á eins árs frumgreinanám sem lýkur með frumgreinaprófi. 

Innritun einu sinni á ári

Eingöngu er tekið inn í námið á haustönn. Sótt er um fyrir júní ár hvert og er dagsetning tilkynnt síðar.

Fylgigögn með umsókn

  • Staðfest afrit einkunna úr framhaldsskóla.

Fylgigögnum skal skila inn rafrænt og hengja við umsókn. Á námsferlum þarf að koma fram stimpill viðkomandi skóla. 

Getum við aðstoðað?

Málfrídur-Thórarinnsdóttir

Málfríður Þórarinsdóttir

Forstöðumaður frumgreinadeildar

Viðtalstímar: miðvikudagar kl. 13 - 15
Gunnhildur Grétarsdóttir

Gunnhildur Grétarsdóttir

Verkefnastjóri

Viðtalstímar:  mánudagar og miðvikudagar kl. 13 - 15

Fara á umsóknarvef

Var efnið hjálplegt? Nei