Rannsóknir við Háskólann í Reykjavík
Áhersla er lögð á að stunda alþjóðlegar viðurkenndar rannsóknir sem efla orðstír skólans á alþjóðavettvangi, næra kennsluna við skólann og veita nýrri þekkingu inn í íslenskt atvinnulíf og samfélag. Við skólann starfa vísindamenn og nemendur að fjölbreyttum rannsóknarverkefnum í samstarfi við bæði innlendar og erlendar rannsóknarstofnanir og fyrirtæki. Háskólinn í Reykjavík leggur áherslu á erlent samstarf bæði í kennslu og rannsóknum og eru margir samstarfsaðilar skólans fremstir meðal jafningja á sínu sviði.
17 rannsóknarstofnanir eða setur eru starfrækt í fjórum deildum skólans. Það eru Evrópuréttarstofnun, Auðlindaréttarstofnun, Rannsóknarmiðstöð í fjármálum og hagfræði, Rannsóknarmiðstöð í nýsköpunar- og frumkvöðlafræðum, Rannsóknarmiðstöð í mannauðsstjórnun, Engineering Optimization & Modeling Center, Laboratory for Unmanned Vehicles, RU Neurolab, The Bioinformatics Group, The EHG Group (Electro Hystero Gram), The Nanophysics group, The QPS Group (Quantitative Problem Solving), Þekkingarsetur í fræðilegri tölvunarfræði, Gagnasetur, Gervigreindarsetur, Máltæknisetur og Þekkingarsetur í hugbúnaðarfræði. Auk þess hefur bókasafn HR umsjón með Miðstöð Evrópuupplýsinga EUi.
Rannsóknasetur og -stofnanir eftir deildum:
