Rannsóknarnám við HR
Háskólinn í Reykjavík er alþjóðleg vísinda- og menntastofnun. Hlutverk skólans er að skapa og miðla þekkingu til að auka samkeppnishæfni og lífsgæði. Rannsóknatengt framhaldsnám, meistara- og doktorsnám við Háskólann í Reykjavík á sér sterkar rætur í alþjóðasamfélaginu. Þetta á bæði við um hina fjölmörgu kennara í náminu sem koma frá virtum erlendum háskólum og alþjóðleg tengsl rannsóknarmanna í öllum deildum skólans. Námið er ekki aðeins fjölbreytilegt að innihaldi heldur einnig hvað varðar áherslu á hagnýtingu og rannsóknir. Í boði er meistaranám og doktorsnám við allar deildir skólans.
