Nemendur taka hluta af námi sínu á vettvangi. Það er hugsað sem kennsluaðferð sem felur í sér að nemendur taki þátt í námi úti í samfélaginu með það fyrir augum að öðlast aukna samfélagslega ábyrgð og þekkingu.

Nemendur hljóta leiðsögn, bæði frá fagfólki á vettvangi sem og frá kennurum námskeiðsins og hittast reglulega í umræðuhópum.  Að námskeiði loknu eiga nemendur að hafa öðlast skilning á hvernig er að vinna við fagið og tengja það við fræðileg viðfangsefni sálfræðinnar.

Vettvangsnámið fer fram á fjölbreyttum sviðum svo sem meðal barna, ungmenna, eldri borgara og fólks með sérþarfir.

Dæmi um staði í vettvangsnámi:

• Landspítali-háskólasjúkrahús (Landakot, Grensásdeild og Barna- og unglingageðdeild)
• Fangelsismálastofnun ríkisins
• Svæðiskrifstofa málefna fatlaðra
• Rauði kross Íslands
• Barnahús
• Reykjalundur
• Íþrótta- og tómstundaráð Reykjavíkur
• Grunnskólar og leikskólar
• Capacent (samstarfsverkefni við Rauða kross Íslands)