Skipulag náms BSc í hugbúnaðarverkfræði

Skipulag náms

Hugbúnaðarverkfræði er þverfaglegt nám sem sameinar þekkingu á tölvutækni og verkfræði. Námið er skipulagt í samvinnu tölvunarfræðideildar og tækni- og verkfræðideildar Háskólans í Reykjavík. Líkt og í öðrum verkfræðigreinum samanstendur BSc námið af almennum kjarna, sviðskjarna og valfögum.

Nemandi þarf að ljúka 180 ECTS einingum til BS-prófs í hugbúnaðarverkfræði. Þar af eru 132 ECTS einingar í  kjarnafögum BSc-námsins.  Nemendum ber að taka a.m.k. 30 ECTS einingar í vali innan tölvunarfræði- og verkfræðideildar en geta tekið allt að 18 ECTS einingar í vali utan deildanna. Almennt er miðað við að slík heimild sé veitt svo lengi sem tilgreint námskeiðsval sé á háskólastigi, uppfylli undanfarareglur viðkomandi deildar, og námsefni skarist ekki við aðrar einingar teknar til prófgráðu. Hægt er að sjá námskeið í kennsluskrá og lesa meira um reglur fyrir valnámskeið hér. Athugið að þessi uppröðun er sett upp með fyrirvara um breytingar.

 Kjarni (132 ECTS)