Inngangur að tölvunarfræði

18.12.2013

Lýsing
Í áfanganum verður fjallað um grunnstoðir tölvunarfræðinnar, hlutverk hennar og skyldur í samfélaginu. Fjallað verður um reiknirit, tekin dæmi um þekkt reiknirit og nemendur fá æfingu í að skrifa sín eigin. Grunnatriðin í greinaskrifum og heimildanotkun verða tekin fyrir. Þá verður fjallað um efni eins og höfundarrétt, hugverkarétt, vernd persónuupplýsinga og öryggismál, þar á meðal dulkóðun. Saga tölvunarfræðinnar verður rakin, ásamt því að reynt verður að skyggnast fram í tímann og skoða hvað er framundan. Að lokum munu nemendur fá æfingu í að vinna með ýmiskonar tól og aðferðir, eins og mismunandi forritunarmál, að vinna með gagnagrunna og fleira.
Námsmarkmið
Þekking (miðlun) Nemendur:
  • vita hvað tölvunarfræði er, helstu hugmyndir og kenningar, og hvernig þær hafa haft áhrif á samfélagið
  • þekkja sögu tölvunarfræðinnar, og helstu fræðigreinar innan hennar
  • þekkja grunnatriðin í því hvernig stýrikerfi virkar
  • þekkja helstu tegundir viðmótsforrita, og geta skrifað einföld slík forrit
  • þekkja grunnstoðir internetsins
  • þekkja helstu tegundir forritunarmála
  • þekkja helstu atriði sem þarf að hafa í huga við skýrslugerð
  • geta fjallað um höfundarrétt, hugverkarétt, vernd persónuupplýsinga og öryggi 
Leikni (þjálfun) Nemendur:
  • geta skrifað einföld reiknirit
  • kunna að gefa einfaldar skipanir í skipanaham (e. console)
  • kunna að skrifa heimildaritgerð
  • geta skrifað einföld forrit sem stjórna smátækjum eins og Arduino
  • geta sett upp litla gagnagrunna, sótt úr þeim gögn og sett inn með SQL
Hæfni (sköpun) Nemendur:
  • geta beitt "computational thinking" á vandamál úr daglega lífinu

Fara á umsóknarvef

Var efnið hjálplegt? Nei

Umsagnir tölvunarfræðinema

Ingibjörg heldur á fartölvu og hallar sér upp á skáp á ganginum í HR

Ingibjörg Edda Snorradóttir: tölvunarfræði

Stærðfræði hefur alltaf verið uppáhaldsfagið mitt og að leysa flókin verkefni er það sem mér finnst mest gefandi við þetta nám. Tölvunarfræði er skemmtilegt fag sem býður upp á miklu fleiri möguleika en ég hafði gert mér grein fyrir, bæði hvað varðar framhaldsnám og starfsmöguleika. Ég hef aðeins fengið að kynnast því hvernig það er að starfa sem tölvunarfræðingur þegar ég vann raunverulegt verkefni í samstarfi við fyrirtæki. Ég vann það í hóp sem fékk að starfa í algjörlega nýju umhverfi sem var mjög lærdómsríkt.