Meistaranám í hugbúnaðarverkfræði

Tölvunarfræðideild Háskólans í Reykjavík býður, í samvinnu við tækni- og verkfræðideild skólans, upp á tveggja ára (120 ECTS eininga) framhaldsnám til meistaragráðu (MSc) í hugbúnaðarverkfræði.  Námið fer fram á ensku og er lögð áhersla á að dýpka og breikka þekkingu, samhliða aukinni þjálfun í beitingu þeirra aðferða sem notaðar eru í verkefnavinnu og rannsóknum. 

Starfsnám í Bandaríkjunum

Meistaranemendur við tölvunarfræðideild HR hafa möguleika á að sækja um að fara til Bandaríkjanna í starfsnám við Háskólann í Maryland (Fraunhofer Center for Experimental Software Engineering) og fengið vinnuna metna til eininga. Við Fraunhofer eru stundaðar öflugar rannsóknir í nánu samstarfi við stofnanir á borð við NASA og FDA og fá nemendur að taka þátt í þeirri vinnu.

Nemendur fá borguð laun á meðan á starfsnáminu stendur en algengast er að nemendur fari í sex mánuði i senn. Frekari upplýsingar má nálgast hér.