Gert er ráð fyrir að stúdentar þiggi boð um pláss í þeim háskóla sem valinn var. En í þeim tilfellum sem stúdentar þurfa að hætta við er þeim skylt að upplýsa alþjóðaskrifstofu HR um það eins fljótt og auðið er svo aðrir fái tækifæri til að nýta plássið í stað viðkomandi. Nemendur sem hætta við að fara í skiptinám eftir að búið er að tilnefna þá til gestaskóla þurfa að greiða 10.000 kr. þjónustugjald.