Skiptinám

Háskólinn í Reykjavík er í samstarfi við háskóla í Evrópu innan Erasmus-áætlunarinnar, Nordplus-áætlunarinnar og er jafnframt með tvíhliða samninga við háskóla utan Evrópu. Með þessum samningum gefst nemendum kostur á að taka eina eða tvær annir við samstarfsskóla HR og fá námið í gestskólanum metið sem hluta af námi sínu við Háskólann í Reykjavík.

Skiptinám í samstarfsskóla HR

Nemendur sem fara í skiptinám í samstarfsskóla HR greiða skólagjöld í HR en þurfa ekki að greiða skólagjöld við gestaskólann. Til að geta farið í skiptinám þurfa nemendur að hafa lokið  fyrsta árinu eða 60 ECTS einingum þegar að skiptinámið hefst. Nemendur sem óska eftir að fara í þá samstarfsskóla sem HR er með Erasmus- eða Nordplus samninga við geta sótt um styrk fyrir skiptináminu.  Styrknum er ætlað að koma til móts við þann kostnað sem fylgir því að flytja og búa í öðru landi og dregst ekki frá námslánum.

CONAHEC netið

Skiptinám CONAHEC er jafnt fyrir nemendur í grunn og framhaldsnámi. Nemendur geta sótt nám í öllum deildum háskólanna sem um ræðir. Einnig er unnt að komast í starfsnám. Sjá nánar hér.