Umsókn - hér getur þú sótt um skiptinám

Allir nemendur skólans sem ætla í skiptinám verða að fylla út HR-umsókn um skiptinám. Ef þið óskið eftir að fara í samastarfsskóla sem Háskólinn í Reykjavík er með ERASMUS samning við þá þurfið þið einnig að fylla út ERASMUS umsókn.

Umsóknarfrestur til að sækja um skiptinám fyrir næsta skólaár er:

• 1. febrúar fyrir samstarfskóla í Bandaríkjunum

• 1. febrúar fyrir meistaranema í alþjóðaviðskiptum

• 1. mars fyrir alla aðra skóla og Erasmus styrk

 Annar umsóknarfrestur fyrir vorönn er 20. september. Athugið að þeir sem sækja um fyrir 1. mars ganga fyrir með pláss í skólum og styrki.

Hvað á að læra?

Þegar búið er að ákveða hvenær og hvert á að fara þarf að setja það niður fyrir sér hvaða námskeið ætlunin er að taka í gestaskólanum. Það eru engar fyrirfram tilbúnar leiðir í skiptinámi.  Hver og einn þarf að gera sína áæltun eftir sínum eigin markmiðum og hentugleika.Til að tryggja að námið við gestaskólann gangi upp miðað við námsframvindu í HR er gerður námssamningur. Námsamningurinn er hluti af umsókninni, í samningnum tilgreinir nemandinn hvaða námskeið ætlunin er að taka við gestaskólann og hvernig óskað er eftir að fá þau metin inn í námið við Háskólann í Reykjavík.

Einingar

Námsamningur

Það sem getur komið að gagni við gerð námssamnings er:

• Gagnabanki með upplýsingum um hvernig nám í gestaskólanum hefur verið metið í HR
• Námskeiðslýsingar á ensku  á heimasíðu HR á öllum námskeiðum sem kennd eru í skólanum. Þið getið notað lýsingarnar til þess að átta ykkur betur á að hverju þið eruð að leita í gestaskólanum. 
• Hugsa námsframvinduna til enda; hvernig þið ætlið að ljúka náminu þegar heim er komið. Það er möguleiki á að víxla námskeiðum milli anna; ef þið farið út á 4. önn þá getið þið til dæmis fengið námskeið við gestaskólann metið sem valnámskeið sem þið áttuð að taka á 6. önn í HR en taka í staðinn þegar heim er komið skyldunámskeið af 4. önn sem gekk ekki að finna í gestaskólanum. Athugið að gæta jafnvægis milli haustanna og voranna.

Umsóknarferlið

Skref 1: Senda rafræna HR-umsókn um skiptinám fyrir þann skóla sem þið óskið helst eftir að fara í áður en umsóknarfrestur rennur út.  Á þessu stigi þá þurfið þið aðeins að fylla út persónulegar upplýsingar og hvert þið viljið fara og hvenær. Ef þið óskið eftir að fara í skiptinám í skóla sem HR er með Erasmus samning við þá þurfið þið að fullvinna umsókn um Erasmus styrk fyrir 1. mars.

Athugið að ekki er nauðsynlegt að fullvinna námssamning (selection of courses hlutann í HR-umsókninni) fyrir fyrsta umsóknarfrest. Þegar búið er að samþykkja ykkur í skiptinám þá gefst tími til að ljúka við námssamninginn. Engu að síður er það lykilatriði að þið skoðið námsframboð í gestaskólanum það vel áður en þið sækið um  skiptinám í viðkomandi skóla að þið sjáið fram á að það geti gengið upp fyrir ykkur að fá námið þar metið sem hluta af námi ykkar í HR.

Þegar umsóknarfrestur er liðinn er farið yfir allar umsóknir og umsóknir um skiptinám eru samþykkar eða þeim hafnað. Ef fleiri nemendur óska eftir að fara í sama gestaskóla en samningurinn við skólann segir til um er valið á milli umsækjenda og haft samband við þá sem komast ekki inn í skólann sem þeir völdu í fyrsta vali og  þeim gefinn kostur á að fullvinna umsókn í þann skóla sem þeir völdu til vara.

Þegar samþykkt hefur verið að tilnefna ykkur sem skiptinema frá Háskólanum í Reykjavík og búið að ganga frá því í hvaða samstarfsskóla þið getið farið í skiptinám þá er komið að skrefi 2.

Skref 2: Fullvinnið námssamninginn. Hann finnið þið á innranetinu á skiptinemasvæðinu. Þegar þið sendið inn umsókn um skiptinám þá birtist flipi vinstra megin í MySchool þar getið þið breytt upphaflegu umsókninni ykkar. Þegar þið hafið lokið við að velja námskeiðin sem þið óskið eftir að taka í gestaskólanum þá fara þau sjálfkrafa inn í annað skjal sem er námssamningurinn ykkar (LA, Learning Agreement). Til þess að deildarfulltrúar geti metið val ykkar á námskeiðum í gestaskólanum þá þurfið þið að prenta út námskeiðslýsingar á námskeiðunum sem þið óskið eftir að taka þar og prenta námssamninginn út í tveimum eintökum,  undirrita samninginn og skila til alþjóðasviðs HR.

• Sækja um

Fylgigögn með umsókn - skref 1:

• Staðfest yfirlit yfir námsárangur (Transcript of records). Biðja um einkunnir á ensku. Senda póst á nemendabokhald@ru.is.
• Útfyllt og undirrituð ERASMUS umsókn, ef sótt er um í gestaskóla sem HR er með ERASMUS stúdentaskiptasamning við.  Þið þurfað að prenta hana út og skila undirrituðu eintaki. Athugið að boðið er upp á prentvæna útgáfu  EFTIR að búið er að senda hana rafrænt  ("submit"). umsókn.

Gögnum skal skilað í móttöku merkt alþjóðasviði HR.

Fylgigögn með umsókn - skref 2:

• Útprentaður námssamningur (learning agreement) er inni á skiptinemasvæði ykkar í MySchool.
• Útprentaðar námskeiðslýsingar á þeim námskeiðum sem þið óskið eftir að taka í gestaskólanum.

Gögnum skal skilað í móttöku merkt deildarfulltrúa eða skrifstofustjóra lagadeildar fyrir nemendur í lögfræði.

Skref 3:  Sækja um skiptinám við gestaháskólann

Ef umsókn þín um skiptnám er samþykkt þá munum við í framhaldinu tilnefna þig í skiptinám á vegum Háskólans í Reykjavík til gestaskólans.  Flestir samstarfsskólar HR hafa þá beint samband við ykkur í framhaldinu og gera ykkur grein fyrir því hvernig þið eigið að bera ykkur að við að sækja um skiptinám við skólann. Aðrir skólar  eru með allar slíkar upplýsingar á heimasíðu sinni. Ef svo er þá þurfið þið að fara inn á heimasíðu alþjóðaskrifstofu gestaskólans og finna umsóknareyðublöð fyrir skiptinema, umsókn um húsnæði og annað. Þið þurfið að senda gestaskólanum allar upplýsingar sem beðið er um  - athugið að umsóknin um skólavist er einungis formsatriði í þeim skólum sem HR er með beina samninga við það er búið að taka frá pláss fyrir nemendur frá HR EN það er nauðsynlegt að fylla út þau eyðublöð sem gestaskólainn biður ykkur um svo hann geti haldið utan um námið ykkar.

Allir skólar í Conahec samstarfsnetinu áskilja sér rétt til að velja eða hafna tilnefningum, sem og Háskólinn í Jóhannesarborg, Háskólinn í Ottawa og Háskólinn í Kyushu sem eru í samstarfi við lagadeild HR.

 Athugið að þið berið sjálf ábyrgð á að skila inn öllum gögnum innan þess frests sem gefinn er í skólanum (oft rennur fresturinn út í mars/apríl fyrir haustönn).