Heimildavinna

Friðrik H. Jónsson og Sigurður J. Grétarsson hafa sett saman ágætt rit sem þeir kalla Gagnfræðakver handa háskólanemum og nemendur eru hvattir til að kynna sér. Þar segja þeir m.a. um heimildanotkun:

„Það er ómögulegt að skrifa fræðirit án þess að fjalla um efni sem aðrir hafa fjallað um áður. Auðvitað er hægt að skrifa án þess að kynna sér verk annarra en ólíklegt er að slík skrif verði athyglisverð fræði. Ef kosið er að taka þátt í fræðilegri umræðu er nauðsynlegt að þekkja verk annarra. Heimildalisti bókar getur gefið góðar vísbendingar um gæði hennar“ (2007, bls. 77).

Þetta á að sjálfsögðu við um fræðileg skrif af öllu tagi og því er mikilvægt að háskólanemar tileinki sér viðtekin vinnubrögð í því sem lýtur að notkun heimilda.

 Leiðbeiningar um heimildanotkun, ásamt dæmum eru hér til vinstri. Af gefnu tilefni er rétt að ítreka að þessum leiðbeiningum er ekki ætlað að vera tæmandi, og nemendum bent á að kynna sér Gagnfræðakverið og/eða APA-staðalinn eða annan þann staðal, sem notaður er í deild viðkomandi.