Kennslusvið

Kennslusvið heldur utan um allar upplýsingar nemenda, s.s. námsferil,skráningar í og úr námskeiðum og einkunnaskráningu. Innritun og útskrift er á ábyrgð kennslusviðs ásamt prófamálum. Prófstjórn skipa prófstjórar og forstöðumaður kennslusviðs. Kennslusvið hefur yfirumsjón með stundatöflugerð, niðurröðun í hópa, öllum skráningum, innritun og útskrift, stofuskipan námskeiða og kennslumati námskeiða. Ef nemendur óska eftir að fá afrit af námsferli eða önnur gögn frá nemendaskrá þá er hægt að senda póst á nemendabókhald, nemendabokhald@ru.is (hvert eintak kostar kr. 300).

 Forstöðumaður kennslusviðs er Steinn Jóhannsson, steinn@ru.is

Skipulag náms - stundatafla

Kennsla í Háskólanum í Reykjavík fer fram frá 8:30 til 16:30. (fyrirlestrar eru 45 mín.). Í háskólanámi með vinnu (HMV) eru námskeið kennd eftir kl. 16:35 og er að jafnaði kennt til 19:00. Annað nám sem í boði er við skólann fer einnig fram eftir kl. 16:35. Nemendur í dagskóla geta átt von á því að einstaka námskeið séu kennd utan hefðbundinnar stundatöflu. Stundatöflur hvers nemenda er að finna á innraneti undir Stundataflan. Stundatöflur er einnig hægt að finna á heimsíðu hverrar deildar.

Útskrift og skírteinisviðauki (Diploma Supplement)

Formlegar útskriftir fara fram í janúar og júní ár hvert. Skráning nemenda í útskrift, sem fer fram í janúar, er frá október til nóvember en skráning vegna útskriftar í júní er frá frá janúar til mars. Skráningin er rafræn og er framkvæmd á innra neti skólans. Mikilvægt er að nemendur athugi hvort þeir fullnægi öllum skilyrðum til útskriftar áður en þeir skrá sig. Við útskrift fá nemendur prófskírteini, tvö eintök af námsferli (á íslensku og ensku með röð – ranking) og skírteinisviðauka (smelltu hér til að skoða Diploma Supplement) sem er lýsing á því námi sem viðkomandi hefur lokið. Skírteinisviðaukinn hefur einnig að geyma stutta lýsingu á íslensku menntakerfi og uppbyggingu þess. Jafnan þurfa nemendur að nota skírteinisviðaukann þegar þeir sækja um nám erlendis.

Kennslustofur og fyrirlestrarsalir
Kennslusvið ber ábyrgð á skipulagi og notkun kennslustofa/fyrirlestrarsala.

Nauthólsvík

Í Nauthólsvík fer fram kennsla í viðskiptafræði, tæknifræði, verkfræði og tölvunarfræði. Þar eru rúmlega 50 kennslustofur og rannsóknarrými ásamt vinnuaðstöðu fyrir nemendur. Kennslustofur rúma allt frá 8-140 nemendur. Nær allar kennslustofur eru á fyrstu hæð í Mars og Venus. Smelltu hér til að skoða kort af byggingunni. Öll vinnuaðstaða kennara er á annarri og þriðju hæð hússins en í kjallara eru rannsóknarstofur fyrir Tækni- og verkfræðideild.

Ofanleiti

Í Ofanleiti fer fram kennsla í lagadeild, frumgreinasviði, Opna háskólanum, kennslufræði og lýðheilsudeild ásamt MBA  námi. Fyrirlestrarsalir rúma allt frá 60-100 nemendur og kennslustofur frá 10-55 nemendur. Vinnuaðstaða kennara er á fjórðu og fimmtu hæð í Ofanleiti.

Nemendur eru beðnir um að virða stofumerkingar og ganga vel um stofur. Sjá reglur (til vinstri hér að ofan) um umgengni í kennslustofum og vinnusvæðum.