Nýnemastyrkur fyrir afburðanemendur - grunnnám

Háskólinn í Reykjavík veitir afburðanemendum nýnemastyrk á fyrstu önn þeirra við skólann. Styrkurinn nemur skólagjöldum á fyrstu önn námsins. Styrkurinn er veittur nemendum sem hefja grunnnám á haustönn og vorönn:

• Allir sem sækja um skólavist og eru með góða einkunn á stúdentsprófi geta sótt um styrkinn.
• Til að geta sótt um styrkinn þarf fyrst að sækja um skólavist í HR.
• Aðeins þeir sem eru að fara í 3ja ára BS/BA nám geta sótt um styrkinn.
• Val á þeim sem hljóta styrkinn mun byggjast á innihaldi stúdentsprófsins miðað við æskilegan undirbúning fyrir það nám sem sótt er um. Auk þess verður horft á persónulega yfirlýsingu í umsókn.
• Umsækjendur um styrkinn fá svar um miðjan júní fyrir haustönn og um miðjan desember fyrir vorönn.
• Í valnefnd styrksins eru forstöðumaður kennslusviðs, forstöðumaður stúdentaþjónustu og forstöðumaður rannsóknarþjónustu.

Markmið með styrkveitingunni er að hvetja framúrskarandi námsmenn til metnaðarfulls náms og til að auðvelda þeim að helga sig náminu af krafti. Nýnemastyrkurinn er veittur á haustönn og vorönn.

 Smelltu hér til að sækja um.

Upplýsingar um styrkinn veitir Ása Björk Stefánsdóttir (asabjork@ru.is)