Mat á fyrra námi

Hafi nemandi lokið námskeiðum á háskólastigi við viðurkenndan háskóla sem eru fyllilega sambærileg við þau námskeið sem í boði eru við HR gefst þeim kostur á að óska eftir því að fá þessi námskeið metin.

Sækja þarf um mat á fyrra háskólanámi á sérstökum umsóknareyðublöðum og koma til deildarfulltrúa TVD.
Til þess að fá námskeið metin þurfa þau, að mati námsmatsnefndar og kennara viðkomandi fags, að standast samanburð við sambærileg námskeið í HR. 

Gögn sem þurfa að fylgja með umsókn:

- Umsóknin sjálf (prentuð út af netinu).
- Staðfest afrit af einkunnum frá viðkomandi háskóla
- Námskeiðslýsingar frá viðkomandi háskóla (þær þurfa að vera frá því ári sem námskeiðin eru tekin).

Umsækjendur geta almennt ekki átt von á því að námskeið sem tekin voru fyrir meira en 6 árum síðan eða námskeið sem umsækjandi fékk lægri einkunn en 6 fáist metin.

Upplýsingar fyrir nýnema:

Mat á fyrra námi er ekki framkvæmt fyrr en formleg umsókn um nám í HR hefur verið samþykkt og skólagjöldin hafa verið greidd.