Vél- og orkutæknifræði

Yfirlit

Námið byggist á bóklegum námskeiðum og vinnu nemenda í raunhæfum verkefnum í tengslum við véla- og orkuiðnað, m.a. undir leiðsögn sérfræðinga úr atvinnulífinu. Lykilnámsgreinar eru burðarþolsfræði, tölvustudd hönnun, véltæknileg hönnun, varmafræði og stýri- og reglunartækni. Sjálfvirkni, hermun og bestun vinnslu- og orkuferla og aðgerðagreining er einnig stór þáttur í námi og störfum véltæknifræðinga.

Námstími: 3 1/2 ár í fullu námi 
Einingar: 210 ECTS
Prófgráða: BSc
Starfsréttindi: Tæknifræðingur
Skiptinám mögulegt: Já
Fjarnám: Nei

Námsfyrirkomulag

Á 5. og 6. önn taka nemendur valfög og gefst þeim þá kostur á nokkurri sérhæfingu.  Sérhæfingarsviðin eru tvö, véltæknileg hönnun og orkutækni.  Nemandi sem velur a.m.k. 3 fög og vinnur auk þess lokaverkefni sitt á sérhæfingarsviði hlýtur prófskírteini þar sem fram kemur að hann hafi aflað sér sérþekkingar á sviðinu. 

Einnig geta nemendur valið námskeið úr verkfræði, viðskiptafræði eða tölvunarfræði.

Starfssvið

Starfssvið véltæknifræðinga er fjölþætt, s.s. störf við stjórnun, eftirlit, ráðgjöf, hönnun og þróun. Þeir vinna m.a. á verkfræðistofum, í framleiðslufyrirtækjum og hjá orkufyrirtækjum.  Framtíðartækifæri felast meðal annars í endurnýjanlegum orkugjöfum og sjálfbærri þróun, þ.m.t. virkjun vatnsorku og jarðvarma, nýting vetnis, lífmassa og efnarafala.

Inntökuskilyrði

• Stúdentspróf, frumgreinapróf eða sambærilegt próf
• Æskilegur undirbúningur:
  Stærðfræði - 21 eining
  Eðlisfræði - 6 einingar

Hafið samband

Frekari upplýsingar um nám í vél- og orkutæknifræði:
Vilborg Hrönn Jónudóttir, vilborg@hr.is, 599-6255
Indriði S. Ríkharðsson, ind@ru.is, 599-6436