Um deildina
Nám í tæknifræði, verkfræði og íþróttafræði við HR er metnaðarfullt og gerir miklar kröfur til nemenda og kennara. Lögð er áhersla á að efla frumkvæði nemenda og sjálfstæð vinnubrögð. Boðið er upp á bæði grunn- og framhaldsnám.
Iðnfræði er framhaldsmenntun á háskólastigi fyrir iðnaðarmenn sem lýkur með diploma. Eingöngu er kennt í fjarnámi og er gert ráð fyrir að námið taki þrjú ár samhliða vinnu. Eftir diploma í byggingariðnfræði er möguleiki á áframhaldandi námi til BSc gráðu í byggingafræði.
Ef vantar undirbúning fyrir nám við deildina er hægt að sækja um nám í FrumgreinaMennt. Námið er ætlað fólki sem þarf að bæta við sig áföngum til að uppfylla inntökuskilyrði.
