Með doktorsnámi er ætlunin að styrkja rannsóknir við viðskiptadeild samhliða því að þjálfa unga vísindamenn til hagsbóta fyrir íslenskt atvinnulíf og tryggja stöðu Háskólans í Reykjavík sem alþjóðlega viðurkennds háskóla.

Doktorsnám við viðskiptadeild þjálfar nemendur í beitingu vísindalegra vinnubragða við öflun og miðlun nýrrar þekkingar. Til þess að ljúka doktorsnámi þurfa nemendur að sýna fram á:

• Almenna þekkingu á grunnatriðum viðkomandi fræðasviðs.
• Sérfræðiþekkingu á sínu rannsóknarsviði.
• Færni í beitingu vísindalegra vinnubragða.
• Færni í að afmarka, móta og framkvæma sjálfstæðar rannsóknir.
• Færni í að miðla niðurstöðum í ræðu og riti bæði á innlendum og erlendum vettvangi.
• Sjálfstætt og viðurkennt framlag til þekkingarsköpunar á sínu rannsóknarsviði

.