„Ég valdi sálfræði við Háskólann í Reykjavík vegna þess að deildin er lítil sem gerir námið persónulegra og auðveldar aðgengi að kennurum.“

„Ég valdi Háskólann í Reykjavík vegna þess að hann er þekktur fyrir að tengja námið við atvinnulífið og var það afar mikilvægt atriði fyrir mig. Þar sem nemendafjöldi er takmarkaður hafa nemendur gott aðgengi að kennurum og starfsfólki viðskiptadeildar og þá líður manni ekki eins og nál í heystakki."

„Ég valdi viðskiptafræðinám í HR vegna þess að viðskipti snúa að svo miklu meiru en bara að læra kenningar og útreikninga á bók. Með því að fá kennara beint úr atvinnulífinu, gera hagnýt verkefni í samstarfi við fyrirtæki og fá að vinna með og kynnast öðrum viðskiptafræðinemendum náði ég að auka verðmæti námsins til muna."

„Það besta við sálfræðina er að hún samtvinnar mannlega hegðun við vísindin og hjálpar okkur að skilja gjörðir okkar og ástæður þeirra. Ég valdi að stunda nám í sálfræði við Háskólann í Reykjavík því þar er persónuleg kennsla og þjónusta og áhersla á hagnýt verkefni."

„Það besta við sálfræðina er hversu námið er skemmtilegt og vel skipulagt. Kennslan einkennist af miklum metnaði kennara. Þá finnst mér frábært að allir sálfræðinemar fái tækifæri til að fara í vettvangsnám."

„Námið heillaði mig mjög mikið, ekki síst áherslan sem lögð er á þverfaglegt nám í HR. Aðstaðan, umhverfið og uppbygging á rannsóknarsetrum, auk stuðnings við nýsköpun er ástæða þess að ég kaus að stunda sálfræði við HR."

„Sálfræði við HR er mjög skemmtilegt og krefjandi nám. Kennslan er lifandi og býður upp á skemmtilegar umræður auk þess eru kennararnir frábærir og óhræddir við að ausa úr viskubrunni sínum."

„Ástæðurnar fyrir því að ég valdi að stunda nám við Háskólann í Reykjavík eru margvíslegar. Ég taldi HR geta veitt mér forskot inn á atvinnumarkaðinn að námi loknu."

„Ég mæli hiklaust með viðskiptafræði við Háskólann í Reykjavík ef þú ert að leita að námi sem gerir miklar kröfur til nemenda."

"The MSc programme in International Business at Reykjavík University is very demanding and equally rewarding. Guest lecturers from renowned universities overseas shape a truly international profile of the programme."