Þeir nemendur í grunnnámi sem bestum árangri ná á hverju aðalpróftímabili eiga þess kost að komast á forsetalista viðskiptadeildar og fá skólagjöld næstu annar niðurfelld.
Til þess að nemendur geti verið gjaldgengir á forsetalista þurfa dagskólanemendur að ljúka að minnsta kosti 30 ECTS einingum á tiltekinni önn og þurfa að hafa lokið öllum námskeiðum viðkomandi annar samkvæmt námsáætlun (yfirlit náms). Nemendur eiga möguleika á að komast á forsetalista á 1. og 2. ári.
Í útreikningi á meðaleinkunn gilda eingöngu próf sem tekin eru í fyrsta sinn í tilteknu námskeiði, m.ö.o. sjúkrapróf gilda en endurtektarpróf ekki.
Til að nemendur í HMV geti verið gjaldgengir á forsetalista þurfa þeir að ljúka að minnsta kosti 18 ECTS einingum á tiltekinni önn og þurfa að hafa lokið öllum námskeiðum viðkomandi annar samkvæmt námsáætlun (yfirlit náms). Á þeim önnum sem nemendur taka valnámskeið eru þeir ekki gjaldgengir á forsetalista.
Miðað er við að um 2% nemenda komist á forsetalista hverju sinni.
Mynd tekin á forseta- og nýnemalistaathöfn í janúar 2012
Forsetalista eftir skólaárum má finna hér:
- Skólaárið 2011 - 2012
- Skólaárið 2010 - 2011
- Skólaárið 2009 - 2010
- Skólaárið 2008 - 2009
- Skólaárið 2007 - 2008
- Skólaárið 2006 - 2007
- Skólaárið 2005 - 2006
- Skólaárið 2004 - 2005
- Skólaárið 2003 - 2004
- Skólaárið 2002 - 2003
„Ég valdi viðskiptafræðinám í HR vegna þess að viðskipti snúa að svo miklu meiru en bara að læra kenningar og útreikninga á bók. Með því að fá kennara beint úr atvinnulífinu, gera hagnýt verkefni í samstarfi við fyrirtæki og fá að vinna með og kynnast öðrum viðskiptafræðinemendum náði ég að auka verðmæti námsins til muna."
