Starfsemi viðskiptadeildar Háskólans í Reykjavík skiptist á fjögur meginsvið kennslu og rannsókna auk yfirstjórnar:
- BSc-nám í sálfræði
- BSc-nám í viðskiptafræði
- MBA-nám
- Rannsóknartengt nám - MSc og PhD
- Rannsóknarstarf
Deildarforseti
Deildarforseti er framkvæmdastjóri deildar og ber ábyrgð á starfsemi og fjárhag hennar
gagnvart rektor. Deildarforseti ræður kennara og aðra starfsmenn til deildarinnar
í umboði rektors. Deildarforseti á frumkvæði að mótun stefnu fyrir deildina og stýrir
daglegu starfi hennar. Deildarforseti gerir fjárhagsáætlun fyrir deild og skal hún
lögð fram til umfjöllunar í framkvæmdastjórn HR sem hluti af heildarfjárhagsáætlun
skólans. Deildarforseti skipar deildarráð og boðar til funda í því, og heldur einnig
reglulega deildarfundi.
Deildarráð
Deildarráð fer með yfirstjórn allra mála sem lúta að nemendum, námskrá, rannsóknum
og ytri tengslum deildarinnar. Deildarforseti stýrir fundum deildarráðs og er ábyrgur fyrir því að kalla saman fundi eigi sjaldnar en tvisvar í mánuði að teknu tilliti til venjulegra fría. Ákvarðanir og tillögur ráðsins skulu færðar til bókar og gerðar aðgengilegar og einnig kynntar á deildarfundum eftir því sem við á. Í deildarráði sitja:
- Friðrik Már Baldursson, deildarforseti
- Bryndís Björk Ásgeirsdóttir, forstöðumaður BSc-náms í sálfræði
- Hrefna Sigríður Briem, forstöðumaður BSc-náms í viðskiptafræði
- Marina Candi, dósent við viðskiptadeild
- Vlad Vaiman, forstöðumaður MSc/MBA náms og prófessor
- Þröstur Olaf Sigurjónsson, lektor
Deildarfundir
Á deildarfundum eiga sæti allir starfsmenn deildarinnar og starfsmenn stofnana sem
heyra undir deildina. Tilgangur deildarfundar er að:
- Vera vettvangur umræðna um markmið og hlutverk deildarinnar.
- Veita upplýsingar til starfsmanna um ýmis fagleg málefni er snerta deildina.
- Fjalla um skipulag kennslu, námsframboð og námsleiðir.
- Fjalla um rannsóknir við deildina.
- Fjalla um hlutverk og skyldur ráða og nefnda.
