Stærsta verkefni miðstöðvarinnar er CRANET verkefnið á Íslandi, sem er hluti af alþjóðlegu rannsóknarsamstarfi Cranfield Network on International Human Resource Management (CRANET, www.cranet.org).  CRANET er samstarfsnet  um 40 háskóla í jafn mörgum löndum, og er tilgangur þess að standa fyrir reglubundnum könnunum á mannauðs­stjórnun í öllum aðildar­löndun­um til að auka þekkingu á þróun mannauðs­stjórnunar í heiminum og gera samanburðar­rannsóknir mögulegar. Stofnað var til samstarfsins árið 1989 en Háskólinn í Reykjavík hefur verið aðili frá árinu 2002. Kannanir CRANET eru framkvæmdar í hverju þátttökulandi á þriggja ára fresti að jafnaði.

Í rannsóknarverkefnum RA-MAUS sem krefjast þátttöku eða stuðnings frá fyrirtækjum og stofnunum er lögð rík áhersla á endurgjöf til þátttökufyrirtækja. Sem dæmi má nefna að CRANET verkefnið byggir alfarið á samstarfsvilja og þátttöku forsvarsmanna þeirra fyrirtækja og stofnana sem leitað er til og hefur það samstarf frá upphafi verið mjög gott. Starfsmanna­stjórar eða aðrir ábyrgðarmenn mannauðsmála hafa lagt á sig ómælda vinnu og tíma með þátttöku sinni og með því tryggt verkefninu framgang. Sem þakk­­­lætisvott fyrir þátt­töku sína í CRANET rannsókninni fá þau fyrir­tæki og stofnanir sem svara undir nafni endurgjöf í formi saman­­tektar um niður­­­stöður og upp­lýs­ing­ar um stöðu sinnar skipu­lagsheildar á þroska­stig­um mann­auðs­stjórn­unar. Í öðrum rannsóknum miðstöðvarinnar þar sem skoðuð eru viðhorf starfsfólks hafa þátttökufyrirtæki einnig fengið samantekt á niðurstöðum fyrir sinn hóp ásamt samanburði við heildina.

Rannsóknamiðstöð í mannauðsstjórnun er hluti af Viðskiptadeild Háskólans í Reykjavík. Aðilar að rannsóknamiðstöðinni eru:

• Arney Einarsdóttir, MA, lektor
• Auður Arna Arnardóttir, PhD, lektor
• Ásta Bjarnadóttir, PhD, lektor
• Finnur Oddsson, PhD, lektor
• Leifur Geir Hafsteinsson, PhD, dósent
• Einnig er samstarf við Paul Kearns, ráðgjafa og kennara í MBA námi HR

Verkefni og afrakstur rannsóknarmiðstöðvarinnar:

Alþjóðlega CRANET rannsóknin 2003, 2006 og 2009.

CRANET verkefnið á Íslandi hófst árið 2003, og á vegum þess hafa verið gerðar stórar kannanir á íslenskri mannauðsstjórnun á þriggja ára fresti, árin 2003, 2006 og 2009. Framkvæmd verkefnisins er alfarið í höndum Háskól­an­s í Reykja­vík en hefur notið styrkja frá fjármála­ráðuneytinu, Samtökum atvinnulífsins, Samtökum iðnaðarins, Þróunarsjóði Háskólans í Reykjavík og Rannsóknasjóði Íslands.

Markmið verkefnisins er að skoða mannauðsstjórnun í íslenskum fyrirtækjum og stofnunum og bera saman við aðferðir og nálgun í  öðrum löndum, að greina þróun frá einum tíma til annars. Bornar eru saman ólíkar atvinnugreinar og skoðuð áhrifin af stærð skipulagsheildanna. Þá er leitast við að staðsetja íslenskar skipulagsheildir á þroska­stigum mannauðsstjórnunar (HR maturity), og gefa þannig svarendum leiðsögn um næstu skref. Stefnt er að því að byggja upp gagnagrunn um mannauðs­stjórnun í íslenskum fyrirtækjum og stofnunum og fjölga þannig tækifærum til rannsókna á þessu sviði.

Afrakstur CRANET verkefnisins frá 2003:

• Arney Einarsdóttir, Ásta Bjarnadóttir og Finnur Oddsson (2009). Staða mannauðsstjórnunar á íslandi: CRANET rannsóknin 2009 (skýrsla). Reykjavík: Háskólinn í Reykjavík.

• Finnur Oddsson, Ásta Bjarnadóttir og Arney Einarsdóttir (2006). Rannsókn: Mannauðsstjórnun á Íslandi 2006 (skýrsla). Reykjavík: Háskólinn í Reykjavík.
• Ásta Bjarnadóttir, Finnur Oddsson, Inga Jóna Jónsdóttir og Tómas Bjarnason (2004). Könnun Cranet samstarfsins á mannauðsstjórnun í íslenskum fyrirtækjum og stofnunum 2003 (skýrsla). Reykjavík: IMG Gallup og Háskólinn í Reykjavík.
• Samantektir til þátttökufyrirtækja árið 2006 (190 svarendur) og 2009 (138 svarendur). Í samantektum eru meginniðurstöður CRANET könnunarinnar birtar og einnig gefnar upplýsingar um styrkleika og veikleika viðkomandi fyrirtækis eða stofnunar, og heildarstöðu þeirra á þroskastigum mannauðsstjórnunar.
• Kynningarfundir fyrir starfsmannastjóra og æðstu stjórnendur þátttökufyrirtækjanna (vor 2004, haust 2006, haust 2009) og kynningarfundur á vegum Stjórnvísi (haust 2006).

Tengsl mannauðsstjórnunar og árangurs.

Þriggja ára rannsóknarverkefni (2005-2007) styrkt af Rannsóknasjóði og lauk 2008. Velta verkefnisins var um 15 milljónir og var um 40% af kostnaði borinn af Rannís. Að verkefninu unnu ÁB, FO, AE og LGH.

Samanburður á upplifun starfsmanna einkarekinna fyrirtækja og starfsmanna hins opinbera af vinnustað og starfi.

Rannsókn framkvæmd í alls 59 fyrirtækjum með yfir 70 starfsmenn og með þátttöku yfir 3000 starfsmanna. Að verkefninu unnu Hlín Kristbergsdóttir, LGH og AE.

• Hlín Kristbergsdóttir, Leifur Geir Hafsteinsson og Arney Einarsdóttir (2008). Samanburður á upplifun starfsmanna einkarekinna fyrirtækja og starfsmanna hins opinbera af vinnustað og starfi. Sálfræðiritið, 13, 126-145
• Samantekt til þátttökufyrirtækja 2008 (59 fyrirtæki). Í þessari samantekt voru niðurstöður um mat starfsfólks á 10 þáttum er varða upplifun starfsmanns á vinnustað og starfi í viðkomandi fyrirtæki.

Tveir vinnumarkaðir: Áhrif efnahagshruns á viðhorf starfsfólks einkafyrirtækja og opinberra stofnana.

(Enn óbirt grein). Rannsókn framkvæmd í 18 fyrirtækjum og stofnunum með yfir 70 starfsmenn og þátttöku um 1000 starfsmanna. Einnig voru notuð gögn úr fyrri rannsókn frá 2007/2008 til samanburðar. Að verkefninu unnu AE og LGH.

Þjónusturannsókn fyrir Actavis: Þroskastig mannauðsstjórnunar í öllum einingum Actavis.

Verkefnið var framkvæmt árið 2007 og var velta þess um 2,5 milljónir. Að verkefninu unnu ÁB, FO og AE. 

Tíu pistlar birtir í viðskiptablaði Morgunblaðins 2006-2007.

Greinarhöfundar: Arney Einarsdóttir, Ásta Bjarnadóttir og Finnur Oddsson.

Fimm kynningar á ráðstefnuröð forstöðumanna ríkisstofnana haustið 2006.

Arney Einarsdóttir, Ásta Bjarnadóttir og Finnur Oddsson.

Reynsla af fæðingarorlofi og samspili vinnu og einkalífs frá sjónarhóli feðra og maka þeirra.

Fékk styrk frá jafnréttissjóði forsætisráðuneytisins. Að verkefninu unnu AAA, LGH og Sturla J. Hreinsson.

Gunnhildur Arnardóttir og Trausti Harðarson (2005). Hversu þroskuð er starfsmannastjórnun á Íslandi?

Óútgefið lokaverkefni við Háskólann í Reykjavík.