Ástæðurnar fyrir því að ég valdi að stunda nám við Háskólann í Reykjavík eru margvíslegar. Ég taldi HR geta veitt mér forskot inn á atvinnumarkaðinn að námi loknu. Skólinn er í góðum tengslum við atvinnulífið og mikið er lagt upp úr hópastarf sem ég tel vera góðan undirbúning fyrir starf að námi loknu. Einnig er hann í samstarfi við marga góða erlenda skóla upp á skiptinám að gera. Síðast en ekki síst þá er kennslan persónuleg þar sem maður týnist ekki í mannfjöldanum og á kost á að vera í góðu sambandi við kennara sína.