A-Ö

Aðstaða
Aðstoð við heimildarvinnu
Afgreiðslutímar
Alumni
APA
Bóka hópvinnuherbergi
Bóka upplýsingafræðing
Bókasafnskort
Bók frá öðru safni
Efni á kennsluvef
Endurnýjun lána
Evrópuupplýsingar (EUi)
Fjaraðgangur
Flokkun bóka
Frátektir
Fræðsla
Gestir
Gjafir
Gjaldskrá
Google Scholar stillingar
Greinar
Heimildaskráning
Hópvinnuherbergi
Höfundaréttur
IEEE
Íslensk tímarit
Kennslubókasafn
Kennslubækur
Lánþegaskírteini
Leitir.is
Ljósritun
Lokaverkefni
Matur og drykkir 
Millisafnalán
Námsbókasafn
Námsbækur
Námskeið
Nýtt efni
OSCOLA
Prentstofa
Reglur
Reglur um skil lokaverkefna
Ritgerðir
Ritrýnd íslensk tímarit
Safnkostur
Saga BUHR
Skemman
Skönnun
Turnitin
Um bókasafnið
Upplýsingalæsi
Upplýsingaþjónusta
Útlán
Vanskil
Varðveislusafn
Viðtalstímar
Zotero
Þjónusta 

 

A

Aðstaða - Á bókasafni er góð og fjölbreytt vinnuaðstaða. Í lokuðu rými eru tvær lesstofur og fjögur hópvinnuherbergi. Í opnu rými eru lesbásar, 12 básar með tölvum, vinnuborð fyrir hópa og einstaklinga og hægindasófar. Í prentstofu á bókasafni er hægt að prenta, ljósrita og skanna. Aðgangur er að prentstofu allan sólarhringinn.

Á safninu gildir fyrirkomulagið „fyrstir koma, fyrstir fá“, en óheimilt er að taka frá borð. Starfsfólki er heimilt að rýma borð sem staðið hafa ónotuð lengur en klukkustund. Áhersla er á að það ríki friður og ró í lesaðstöðu á bókasafninu og að nemendur geti einbeitt sér að náminu án truflunar frá símhringingum og skvaldri.

Óheimilt er að tala í síma á safninu. Heimilt er að vera með drykki í lokuðu íláti, ávexti og sælgæti.  

Aðstoð við heimildavinnu - Hægt að bóka tíma hjá upplýsingafræðingi. Undir þessa þjónustu fellur allt sem viðkemur upplýsinga- og heimildaleit, sem og heimildaskráningu og notkun hjálparforrita við heimildaskráningar eftir því sem við á. Nánar um upplýsingaþjónustu BUHR

Afgreiðslutímar - Afgreiðslutímar bókasafnsins fylgja skólaárinu. Hér má sjá ársyfirlit. Gildandi afgreiðslutímar eru auglýstir á heimasíðu bókasafnsins og við innganginn að safninu.

Alumni - Útskrifuðum nemendum stendur til boða að kaupa bókasafnskort vilji þeir nýta sér safnkost BUHR. Árskort kostar kr. 2.500. Alumni kort eru aðeins afgreidd á virkum dögum.

APA - Sjá: Heimildaskráning

B

Bók frá öðru bókasafni - Sjá: Millisafnalán

Bóka hópvinnuherbergi - Á bókasafninu eru fjögur hópvinnuherbergi, Ú106, Ú107, Ú108 og Ú109. Nemendur bóka herbergin sjálfir á bókunareyðublöð sem hanga uppi við herbergin. Stefnt er að því að herbergin nýtist sem flestum og því er mælst til þess að hver hópur bóki aðeins 4 klst. á dag. Mæti bókaður hópur ekki innan 20 mín. frá bókuðum tíma fellur bókun hans (1-4 klst.) úr gildi og annar hópur getur nýtt aðstöðuna. Athygli er vakin á því að hópvinnuherbergin eru ekki ætluð til einstaklingsnotkunar. Herbergin eru aðeins bókuð fyrir einn dag í einu og nýtt bókunareyðublað er hengt upp að morgni. Í hópvinnuherbergjum gilda sömu umgengnisreglur og annars staðar í bókasafninu; þar má ekki vera með mat annan en ávexti. Drykkir eru leyfilegir í íláti með loki. 


Bóka upplýsingafræðing - Upplýsingafræðingar taka á móti einstaklingum og hópum og veita ráðgjöf við heimildaleit og heimildameðferð. Hægt er að bóka upplýsingafræðing vegna kennslu í námskeiðum, einkum í tengslum við verkefnavinnu eða ritgerðasmíð.

Bókasafnskort - Nemendur og starfsfólk Háskólans í Reykjavík þurfa ekki bókasafnskort. Útskrifaðir nemendur geta keypt kort vilji þeir nýta sér safnkost bókasafnsins. Árskort eru afgreidd á virkum dögum og kosta kr. 2.500.

Upp Upp / Up

D
 

E

Efni á kennsluvef  - Mismunandi reglur og aðferðir gilda um íslenskar greinar annars vegar og erlendar greinar hins vegar þegar rafrænt efni er sett á kennsluvef.

Endurnýjun lána - Innskráðir notendur á leitir.is geta endurnýjað lánin sín sjálfir. Notandanúmer er kennitala, en starfsfólk bókasafnsins úthlutar lykilorði. Lykilorð eru eingöngu afhent notanda sjálfum á bókasafninu eða með tölvupósti á ru netfang hans. Sjá leiðbeiningar um endurnýjun. Skammtímalán og lán á gögnum sem eru frátekin fyrir aðra lánþega er ekki hægt að endurnýja. Endurnýjun millisafnalána er háð samþykki bókasafnsins sem lánaði til okkar. Notendur eru því beðnir að senda beiðni um endurnýjun millisafnalána með tölvupósti á bokasafn@ru.is. Sjá einnig: Útlán, frátektir og vanskil

Evrópuupplýsingar (EUi) - Evrópuupplýsingar (EUi) í Háskólanum í Reykjavík er hluti af upplýsingastefnu Framkvæmdastjórnar Evrópusambandsins, “EU in the World”. Bókasafn Háskólans í Reykjavík hýsir EUi á Íslandi skv. samningi við Framkvæmdastjórn ESB. Evrópuupplýsingar eru möskvi í upplýsinganeti í löndum utan sambandsins. EUi er ein sinnar tegundar á Íslandi og hefur verið starfrækt síðan 2003 undir merkjum European Documentation Centre – EDC. Nánar um EUi.

F

Fjaraðgangur - Utan HR nets veitir fjaraðgangur aðgang að flestum gagnasöfnum og tímaritum í áskrift BUHR. Einnig má nota fjaraðgang erlendis frá til að komast í gagnasöfn í landsáskrift.  Ekki þarf fjaraðgang til að komast í læst gagnasöfn og tímarit.

Flokkun bóka - Bókum er raðað í hillur samkvæmt flokkunarkerfi Deweys (The Dewey Decimal Classification System (DDC)). Sérhver bók fær raðtákn sem segir til um hillustaðsetningu bókarinnar. Dæmi: Bókin Um lög og lögfræði eftir Sigurð Líndal frá árinu 2003 fær raðtáknið (hillustaðsetninguna) 340 Sig 2003. Helstu flokkar eru:

 004 Tölvunarfræði 340 Lögfræði 600 Tækni690 Byggingariðnaður
 150 Sálfræði 370 Menntun 620 Verkfræði790 Íþróttir 
 330 Hagfræði 500 Raunvísindi 650 Viðskipti 800 Bókmenntir

 

Frátektir - Innskráðir notendur á leitir.is geta tekið frá bækur sem eru í útláni. Sjá leiðbeiningar um frátektir á leitir.is. Starfsmenn bókasafnsins aðstoða einnig við frátektir. Þegar frátekinni bók er skilað á safnið berst þeim notanda sem er nr. 1 á biðlista tilkynning með tölvupósti um að bókin sé komin á safnið. Bókinni er haldið í viku fyrir notandann. Sjá einnig: Útlán, endurnýjun lána

 

Fræðsla - Upplýsingafræðingar bjóða upp á fjölbreytta fræðslu sem stuðlar að  upplýsingalæsi. Annars vegar er boðið upp á opna fræðslu sem auglýst er sérstaklega, hins vegar fer fræðslan fram í námskeiðum í deildum skólans. Fræðsla BUHR getur verið almenns eðlis eða sérsniðin. Dæmi um almenna fræðslu er kennsla í uppsetningu og notkun heimildaskráningartólsins  Zotero, almenn fræðsla um heimildaleitir auk heimildaleita í leitarvélum á borð við  leitir.is og  Google Scholar. Sérsniðin fræðsla tekur mið af upplýsingaþörfum einstakra námskeiða og/eða fræðasviða. Sjá einnig: Námskeið

Upp Upp / Up

G
Gestir - Þjónusta bókasafns og upplýsingaþjónustu HR er einkum ætluð nemendum og starfsmönnum HR. Aðilum utan háskólans er þó heimilt að heimsækja safnið á auglýstum afgreiðslutíma og nýta sér aðstöðuna og safnkostinn, bæði rafrænan og á prenti.

Gjafir - Bókasafnið tekur við öllum gjöfum sem styrkja safnkostinn  og samræmast áætlun um uppbyggingu hans. Nánar um gjafastefnu.

Gjaldskrá - Upplýsingar um gjaldskylda þjónustu eru að finna í gjaldskrá

Google Scholar stillingar - Google Scholar stillingar er hægt að nota til að leita að sérkeyptu efni bókasafnsins. Stillingin virkar á neti skólans og í fjaraðgangi. Sjá leiðbeiningar fyrir Google Scholar stillingar


Greinar
- Bókasafn og upplýsingaþjónusta HR er áskrifandi að fjölmörgum rafrænum tímaritum og býður þar aðgang að heildartexta fræðigreina. Hægt er að slá upp heiti tímarits í tímaritalista og athuga hvort bókasafnið kaupir það í áskrift. Ef ekki, þá getum við pantað greinina sem þig vantar frá öðru bókasafni. Nánar um millisafnalánaþjónustu bókasafnsins (greina- og bókapantanir)

H

Heimildaskráning - Í HR er mikið lagt upp úr faglegum vinnubrögðum og þar undir fellur skráning á heimildum skv. viðurkenndum heimildaskráningarstöðlum. Helstu heimildaskráningarstaðlar sem notaðir eru í deildum háskólans eru APA - notaður í viðskiptafræði, sálfræði, íþróttafræði og frumgreinum, og einnig að hluta í tækni- og verkfræði. IEEE - notaður í tækni- og verkfræði og tölvunarfræði. OSCOLA - notaður í lögfræði.

Hópvinnuherbergi - Sjá: Bóka hópvinnuherbergi

Höfundaréttur - Sjá almenna umfjöllun um rafræn gagnasöfn og höfundarrétt 

I

IEEE - Sjá: Heimildaskráning

Í

Íslensk tímarit - Bókasafnið kaupir áskrift að mörgum íslenskum tímaritum á fræðasviðum HR, flestum á prenti. Þeim er raðað í stafrófsröð í tímaritahillu fyrir framan Ú105 lesherbergið. Tímaritshefti eru ekki lánuð út. Bókasafnið hefur tekið saman lista yfir ritrýnd íslensk tímarit með heildartexta fræðigreina í rafrænum aðgangi.

J

K

Kennslubókasafn - Kennslubókasafnið er í afgreiðslu bókasafnsins. Í því er eintak af kennslubókum í grunnnámi á yfirstandandi misseri auk valinna bóka í framhaldsnámi. Kennslubækur eru eingöngu til afnota innanhúss. Auk kennslubóka geta kennarar óskað eftir að ítarefnisrit og annað efni sem nemendur þurfa aðgang að, sé staðsett á kennslubókasafni. Kennarar geta lagt inn pöntun á kennslubókum sem ekki eru til í safninu.  Nánar um kennslubókasafn

Kennslubækur - Sjá: Kennslubókasafn

Upp Upp / Up

L

Lánþegaskírteini - Sjá: Bókasafnskort

Leitir.is - Leitir.is veitir upplýsingar um safnkost flestra íslenskra bókasafna. Þar er hægt að sjá hvar gögn eru staðsett og hvernig aðgengi að þeim er háttað. Með því að skrá sig inn á leitir.is er hægt að skoða eigin útlán og endurnýja þautaka frá efni sem er í útláni og panta millisafnalán. Notandanúmer er kennitala en starfsfólk bókasafnsins úthlutar lykilorði og veitir frekari upplýsingar. Notendur sjá sjálfir um að endurnýja útlánin sín. Leiðbeiningar um innskráningu í leitir.is. Leitir.is veitir auk þess aðgang að stærstum hluta rafrænna gagnasafna í áskrift BUHR.

Ljósritun - Sjá: Prentstofa

Lokaverkefni - Prentað eintak af lokaverkefnum útskrifaðra nemenda í HR er skráð og varðveitt hjá BUHR, að lokaverkefnum nemenda í MBA námi í viðskiptadeild undanskildum. 

Frá og með 2011 eru rafræn eintök lokaverkefna skráð og varðveitt í Skemmunni, varðveislusafni íslenskra háskólabókasafna. Upplýsingar um öll lokaverkefni í HR er hægt að finna á leitir.is. Lokaverkefni sem skiluð voru fyrir árið 2011 og eingöngu eru til á prenti, önnur en trúnaðarmál, eru lánuð til lestrar á safninu. Þau gæti þurft að panta með fyrirvara. Nýrri verkefni eru aðeins aðgengileg á Skemmunni og er það val hvers og eins nemanda hvort verkefnið er opið eða lokað.

Frá og með haustmisseri 2015 er nemendum í grunnnámi heimilt að skila eingöngu rafrænu eintaki í Skemmuna  ef viðkomandi deild hefur tekið ákvörðun um slíkt og sett í reglur sínar um lokaverkefni.

Sjá reglur um skil á lokaverkefnum

 

M
Matur og drykkir - Það er EKKI leyfilegt að borða á bókasafninu annað en ávexti og sælgæti. Heimilt er að vera með drykki í lokuðu íláti. Við bendum á Sólina og Málið til að seðja hungrið. Munið að henda tómum drykkjarílátum í ruslið.

Millisafnalán - Nemendur og starfsmenn HR geta pantað bækur og tímaritsgreinar sem ekki eru til á safninu frá öðrum bókasöfnum. Þjónustan er starfsmönnum að kostnaðarlausu. Önnur háskóla- og rannsóknarbókasöfn geta haft milligöngu um lán úr safnkosti BUHR fyrir sína lánþega.  Nánar um millisafnalánaþjónustu BUHR  

 

N

Námsbókasafn - Sjá: Kennslubókasafn

Námsbækur - Sjá: Kennslubókasafn  

Námskeið - BUHR býður upp á opin námskeið og kynningar. Viðfangsefni er fjölbreytt og má sem dæmi nefna kynningu á; heimildaleit,  Leitir.isZotero og einstökum gagnasöfnum. Sjá einnig: Fræðsla

Nýtt efni - Reglulega er tekinn saman listi yfir nýjar bækur og annað nýtt efni sem komið er á safnið. Listinn er birtur á heimasíðu safnsins og á Facebook. 

Upp Upp / Up

O

OSCOLA - Sjá: Heimildaskráning


P
Prentstofa
- Prent- og ljósritunaraðstaða er í prentstofu við inngang á bókasafnið. Þar er hægt að prenta, ljósrita og skanna í lit og svart/hvítu. Prentarar safnsins heita Library_Black og Library_Color. Hægt er að skanna í ljósritunarvél og senda beint í tölvupósti. Stöðu á prentkvóta má skoða á hrprint.ru.is. Prentkvóti er seldur í móttöku skólans og í sjálfsölum. Prentstofan er opin allan sólarhringinn.

R

Reglur - Á bókasafninu gilda fáar en skýrar reglur. Flestar lúta að góðri umgengni og tillitssemi gagnvart öðrum safngestum og starfsfólki. Sjá reglur bókasafnsins.

Reglur um skil á lokaverkefnum - Nýjar reglur voru samþykktar á fundi framkvæmdastjórnar skólans þann 12. júní 2015.  Sjá reglur um skil á lokaverkefnum 

Ritgerðir - Sjá: Lokaverkefni

Ritrýnd íslensk tímarit - Bókasafnið hefur tekið saman lista yfir ritrýnd íslensk tímarit með heildartexta fræðigreina í rafrænum aðgangi.

S
Safnkostur - Safnkostur er að stærstum hluta á rafrænu formi. Safnið kaupir aðgang að gagnasöfnum og tímaritum auk bóka. Einnig er að finna á safninu Alþingistíðindi, Stjórnartíðindi, dómasöfn, kennslubækur á yfirstandandi önn, lokaritgerðir auk lítils safns af DVD-myndum til stuðnings við tungumálakennslu. Safnkosturinn er einkum á ensku og íslensku. Nánar um safnkost BUHR

Saga - Bókasafn og upplýsingaþjónusta HR (BUHR) var opnað formlega í janúar 1999 af Birni Bjarnasyni þáverandi menntamálaráðherra. Frá upphafi hefur það verið yfirlýst stefna stjórnenda að nýta upplýsingatæknina sem mest við uppbyggingu safnsins og er safnkostur þess að stærstum hluta rafrænn. Árið 2003 hófst rekstur Miðstöðvar Evrópuupplýsinga (EDC) á safninu. Miðstöðin var grundvölluð á samningi milli Framkvæmdastjórnar Evrópusambandsins og Evrópuréttarstofnunar HR. Frá sameiningu Tækniháskóla Íslands og Háskólans í Reykjavík árið 2005, starfrækti BUHR bókasafn á tveimur stöðum. Lengst af á Höfðabakka og í Ofanleiti, en á vormisseri 2010 í Ofanleiti og í Nauthólsvík. Eftir flutning í Nauthólsvík er BUHR staðsett í Úranusi á 1. hæð. Fyrsti forstöðumaður safnsins var Sólveig Þorsteinsdóttir, 1998 - 2001, og á eftir henni var Guðrún Tryggvadóttir, 2001 - 2016. Núverandi forstöðumaður frá 2016 er Sara Stef. Hildardóttir. Sjá einnig: Um bókasafnið

Skemman - Bókasafn og upplýsingaþjónusta HR gerðist aðili að Skemmunni, varðveislusafni íslenskra háskólabókasafna, árið 2010. Frá 2011 hafa nemendur HR skilað rafrænu eintaki lokaverkefna í Skemmuna. Þar eru verkefnin til skoðunar. Einnig má finna upplýsingar um þau á  leitir.is. Hér má nálgast leiðbeiningar um skil í Skemmuna.

Skönnun - Sjá: Prentstofa

 

Upp Upp / Up

T
Turnitin - Turnitin er forrit til varnar ritstuldi og notað af skólum um allan heim. Verkefnum er hlaðið upp í kerfið og þau borin saman við gagnagrunn Turnitin sem inniheldur milljónir vefsíðna, tímaritsgreina, nemendaverkefna auk annars efnis. Samanburðarskýrsla sýnir samsvörun á milli verkefnis og efnis í gagnagrunni Turnitin. Nánar um Turnitin 


U

Um bókasafnið - Sjá: Saga BUHR

Upplýsingalæsi - Sjá: Fræðsla

Upplýsingaþjónusta - Sjá: Aðstoð við heimildavinnu, sjá einnig Bóka upplýsingafræðing

Útlán - Lánþegar bókasafns og upplýsingaþjónustu HR eru fyrst og fremst starfsfólk og nemendur Háskólans í Reykjavík. Upplýsingar um safnkost er að finna á leitir.is. Útlánstími bóka er að öllu jöfnu 4 vikur. Kennslubækur, lokaritgerðir, handbækur og tímaritshefti eru eingöngu til afnota innanhúss. Nánar um útlánastefnu BUHR. Sjá einnig: Endurnýjun lána, frátektir og vanskil.

V
Vanskil - Skömmu áður en lánstími rennur út er send áminning um að skiladagur nálgist. Notendur geta endurnýjað lánin sín sjálfir á Mínum síðum með innskráningu á leitir.is. Bókasafnið úthlutar lykilorði en notandanúmer er kennitala notanda. Skammtímalán og gögn sem eru frátekin fyrir aðra lánþega er ekki hægt að endurnýja. Ef lánið er hvorki endurnýjað né bók skilað áður en lánstíminn rennur út er send tilkynning um vanskil. Virði lánþegi ekki útlánstíma og sinni hann ekki ítrekuðum áminningum áskilur safnið sér rétt til að taka viðkomandi af lánþegaskrá þar til útistandandi gögnum hefur verið skilað og senda reikning vegna glataðra safngagna. Markmiðið er fyrst og fremst að fá bækurnar aftur á bókasafnið fyrir notendur safnsins. Sjá einnig: Útlán, endurnýjun lána og frátektir

Varðveislusafn - Sjá: Skemman, varðveislusafn íslenskra háskólabókasafna.

Viðtalstímar - Sjá: Aðstoð við heimildarvinnu, sjá einnig: Bóka upplýsingafræðing

Z

Zotero - Zotero er ókeypis heimildaskráningarforrit sem hjálpar til við að halda utan um heimildir, gerir tilvísanir í texta og býr til heimildaskrá. 


Þ

Þjónusta - Bókasafn og upplýsingaþjónusta HR býður alla almenna bókasafns- og upplýsingaþjónustu, s.s. útlán millisafnalán og upplýsingaleitir, auk sértækari þjónustu. Má þar nefna upplýsingaþjónustu, aðstoð við heimildavinnu, kennslu í upplýsingalæsi og kennslubókasafn. Þjónustan er einkum ætlum nemendum og starfsmönnum HR. Öllum er þó heimilt að heimsækja safnið á auglýstum afgreiðslutíma og nýta sér aðstöðuna og safnkostinn.  Nánar um þjónustu BUHR fyrir nemendur - fyrir kennslu 

Upp Upp / Up



Var efnið hjálplegt? Nei